Расман: ЖЧ-2018 финалчиси "Интер"га ўтди
01 aug 2018 11:43
News

Расман: ЖЧ-2018 финалчиси "Интер"га ўтди

"Атлетико" ва "Интер" жамоалари ўзаро келишувга эришишди.

Мадридликлар ўнг қанот ҳимоячиси Шиме Врсалько "Интер"га ўтди. Бу ҳақда "матрасчилар" матбуот хизмати хабар берди. Унда келтирилишича, "Интер" ЖЧ-2018 финалчисини кейинчалик сотиб олиш ҳуқуқи билан ижарага олди.

Врсалько яқин вақтларда Милан шаҳрига бориб тиббий кўрикдан ўтади ва шартнома имзолайди. Қизиғи, "Интер" матбуот хизмати ушбу келишув ҳақида ҳеч қандай расмий маълумот бермади. Катта эҳтимол билан миланликлар футболчининг тиббий кўрикдан ўтишини кутишмоқда.

Эслатиб ўтамиз, бироз аввал "Атлетико" клуби ПСВ Эйндховендан колумбиялик ўнг қанот ҳимоячиси Сантьяго Ариасни сотиб олгани ҳақида хабар берган эдик.

Link :

Source : atleticodemadrid.com

Receive latest football news directly on your phone. Subscribe for our Telegram channel!

Rating: +9