Расман: Игуаин "Челси" футболчиси ФОТО
24 jan 2019 02:44
News

Расман: Игуаин "Челси" футболчиси ФОТО

"Милан"да ижара асосида тўп тепиб келган "Ювентус" ҳужумчиси Гонсало Игуаин "Челси"га ўтди.

Лондонликлар расмий сайти бу ҳақда хабар берди. Гап мавсум сўнггига қадар мўлжалланган ижара ҳақида кетмоқда.

"Челси" кейинчалик ижара муддатини 18 млн евро эвазига 2020 йилнинг ёзига қадар узайтириши ёки форвардни 36 миллионга сотиб олиши мумкин. Аргентиналик "кўклар" сафида 9-рақамда тўп тепади.

Игуаин "аристократлар"нинг ҳозирги бош мураббийи Маурицио Сарри билан яхши таниш. Улар олдинроқ "Наполи"да бирга ишлашган.

Эслатиб ўтамиз, Гонсало жорий мавсум "Милан" учун барча мусобақаларда 22та ўйин ўтказди ва 8та гол уриб, 3та голли пас берди.