Расман: Флик “Бавария”дан кетишини эълон қилди

“Клуб билан шартномани бекор қилмоқчиман, ҳа шундай. Сабаблар эса ўртамизда қолади.

Бу ҳақда жамоага ўзим айтишим жуда муҳим эди, чунки миш-мишлар ҳозирдан кўпаймоқда.

Келажагим эса ҳали ҳам аниқ эмас. Терма жамоада ишлаш бўйича музокара ўтказмадик. Албатта, ҳар қандай мутахассис Германия ТЖга мураббийлик қилишни хоҳлайди, аммо олдин буни ўйлаб олишим зарур. Охирги ҳафталар мен учун осон ўтмади. Шунинг учун ҳам клуб ва жамоага барчасини айтишим жуда муҳим эди”, дейди Флик.

56 ёшли мутахассиснинг “Бавария” билан амалдаги шартномаси 2023 йилгача эди. Журналист Фабрицио Романо хабар беришича, Йоахим Лёв термани тарк этганидан кейин Флик унинг ўрнини эгаллайди.