Расман: Филиппе Коутиньо Қатар клубига ўтди
08 sep 2023 21:26
News

Расман: Филиппе Коутиньо Қатар клубига ўтди

"Астон Вилла" футболчиси Филиппе Коутиньо фаолиятини Қатарда давом эттиради.

Бразилиялик футболчи 1 мавсум мобайнида "Ал Дуҳайл" таркибида ижарада ўйнайди.

2018 йилда "Ливерпуль"дан 142 млн евро эвазига "Барселона"га ўтган футболчи ўтган ёзда "Астон Вилла" билан 4 мавсумлик шартнома имзолаганди. Энди у фаолиятини Осиёда давом эттиради.

Футболчи ўтган мавсум АПЛда 20 ўйинда майдонга тушиб, 1 голнинг муаллифи бўлди.

Эслатиб ўтамиз, "Ал Дуҳайл" ОЧЛда Тожикистоннинг "Истиқлол", Эроннинг "Персеполис" ҳамда Саудия Арабистонининг "Ал Насср" жамоаларига қарши баҳс олиб боради.