Расман! "Челси" америкалик тадбиркор қўлига ўтди
26 may 2022 21:09
News

Расман! "Челси" америкалик тадбиркор қўлига ўтди

"Челси"ни сотиш бўйича келишув расман якунланди, деб ёзди хорижий нашрлар Британия ҳукумати сайтида чоп этилган ҳужжатга таяниб.

Россиялик тадбиркор Роман Абрамович энди Лондон клубининг эгаси эмас.

Аввалроқ АПЛ мутасаддилари клубни америкалик бизнесмен Тодд Боэли консорциумига сотишни маъқуллаганди. Битим Буюк Британия ҳукумати томонидан ҳам маъқулланган.

Май ойи бошида Боэлига тегишли Clearlake Capital компанияси, Марк Уолтер ва Хансйорг Висс каби шахслар "Челси"ни 4,25 миллиард фунт стерлингга сотиб олишга рози бўлгани хабар қилинганди.

Лондон клуби 2003 йилдан бери россиялик тадбиркор Роман Абрамовичга тегишли эди. 2 март куни Абрамович клубни сотишга тайёрлигини маълум қилгач, 10 март куни Буюк Британия ҳукумати тадбиркорга қарши санкциялар киритди, шу сабабли савдо тўхтатилди ва фақат ҳукуматнинг махсус рухсати билан амалга оширилиши мумкинлиги айтилган эди.

Link :

Source : Football London

Receive latest football news directly on your phone. Subscribe for our Telegram channel!

Rating: +9