Расман: "Барселона" Маскерано Хитойнинг "Хэбэй Чайна Форчун" клубига ўтаётганини тасдиқлади
24 jan 2018 15:15
News

Расман: "Барселона" Маскерано Хитойнинг "Хэбэй Чайна Форчун" клубига ўтаётганини тасдиқлади

Ярим ҳимоячи Хавьер Маскерано Испаниянинг "Барселона" жамоасидан Хитойнинг "Хэбэй Чайна Форчун" клубига ўтади.

Бу ҳақда каталонияликлар расмий сайти хабар берди.

33 ёшли аргентиналик Хитой клуби ихтиёрига 26 январь куни бориб қўшилади. Келишув ҳақида батафсил маълумот берилмади.

Тасдиқланмаган маълумотларга кўра, хитойликлар футболчи учун 10 миллион евро тўлашади. Ўйинчининг ўзи икки йиллик шартномага имзо қўяди ва шу муддат давомида 19 млн евро маош олади.