Расман: “Барселона” Куманни истеъфога чиқарди

Ла Лига 11-тури доирасида “Райо Вальекано”га учралган мағлубият (0:1)дан сўнг, “Барселона” раҳбарияти жамоа устози Роналд Куманни ўз лавозимидан озод этишга қарор қилди. Куман 2020 йил “Барса”ни бошқариш учун Нидерландия ТЖ бош мураббийлигини тарк этганди. Клуб унинг қўл остида ўтган мавсум Испания Кубоги соҳибига айланган.

Эслатиб ўтамиз, “Барселона” Испания чемпионати жорий мавсумида 15 очко тўплаган ҳолда 9-ўринда бормоқда. ЕЧЛда эса улар 3 турдан кейин 3 очко билан 3-поғонада турибди.