Расман: "Арсенал" Гёкерешни 63,5+10 млн еврога сотиб олди

Клуб ҳужумчининг трансферини ва у билан узоқ муддатли шартнома имзоланганини расман эълон қилди.

Аввалроқ, "Арсенал" Швеция терма жамоасининг 27 ёшли форварди учун "Спортинг"га 63,5 миллион евро тўлаши маълум бўлганди. Яна 10 млн бонус сифатида кўзда тутилган.

Виктор Португалияда икки мавсумни ўтказди ва иккаласида ҳам чемпионатнинг энг яхши тўпурари бўлди - у мос равишда 29 ва 39 та гол урди.

Гёкереш "Спортинг" сафида барча мусобақаларда жами 102 та ўйинда 97 та гол урди.