Рақибимиз: Панама ўсмирлар терма жамоаси ҳақида

 Рақиб Панама ўсмирлар терма жамоаси ҳақида маълумотлар билан танишиб олинг:

ПАНАМА ЎСМИРЛАР ТЕРМА ЖАМОАСИ
Бош мураббийи: Хорхе Дели Вальдес
Лақаби: “Ла Рохита”

Панама ўсмирлари жаҳон чемпионати финал босқичига биринчи бор худди биз каби аввалги чемпионатда йўл олишганди. Панама футболининг машҳур юлдузи Хорхе Дели Вальдес бошчилигида жамоа буни такрорлади. Моҳир ҳужумчи фаолияти мобайнида 300дан ортиқ голга муаллифлик қилган. Унинг укалари Хорхе ва Хулио ҳам ҳужумчи амплуасида ўйнашган. Хулио айни пайтда миллий терма жамоани бошқармоқда. Панама ўсмирлари билан Мексикадаги мундиалга ҳам борган.

Хорхе Дели ВАЛЬДЕС
Туғилган санаси: 12.03.1967
Туғилган жойи: Колон, Панама
Футболчиликдаги амплуаси: ҳужумчи

Ўйнаган жамоалари: 1988–1989 “Депортиво Парагуайо”, 1989–1990 “Порвенир”, 1991 “Насионал”, 1992 “Унион Эспанола”, 1993–1994 “Тошиба” 47 (53), 1995 “Серезо Осака” 31 (19), 1996   “Тосу Фючр” 25 (24), 1997–1998 “Консадоле Саппоро” 60 (61), 1999–2000 “Колорадо Рапидс”   52 (17), 2001–2002 “Омия Ардия” 50 (34), 2003 “Кавасаки Фронтейл” 18 (3), 2003–2005 “Арабе Унидо”.

Панама миллий терма жамоасида 34 учрашувда 13 тўп киритган.

Бошқарган жамоалари: 2006 Панама миллий терма жамоаси, 2006 Панама ўсмирлар терма жамоаси, 2007 Панама ёшлар терма жамоаси, 2009 йилдан Панама ўсмирлар терма жамоасида.

КОНКАКАФ ўсмирлар чемпионати шу йил айнан Панамада бўлиб ўтди. Гуруҳ баҳсларида мезбонлар Ямайка билан дуранг ўйнаб, Барбадосдан устун келдилар. Чорак финалда эса Тринидад ва Тобаго доғда қолдирилди. Ярим финалда эса Канада таслим этилди. Бироқ ҳал қилувчи учрашувда Мексика кучлироқ чиқиб, 2:1 ҳисобида ғалаба қозонди. Шунга қарамай, ўсмирлар мундиалига кетма-кет иккинчи бор йўлланмага эга чиқишнинг ўзи Панама учун катта ютуқ ҳисобланади.

Жаҳон чемпионатига тайёргарлик даврида панамаликлар Колумбия ва Венесуэла, шунингдек, Испания ҳамда Аргентина терма жамоаларига қарши ўртоқлик учрашувида майдонга тушишди.

Гуруҳ босқичи
Панама – Ямайка – 1:1
Гол: Молина 90.

Панама – Барбадос – 2:0
Голлар: Зорилья 24, 79.

Чорак финал
Панама – Тринидад ва Тобаго – 4:2
Голлар: Арая 35, Суньига 62, Диаз 79, 88.

Ярим финал
Панама – Канада – 2:1
Голлар: Диаз 37, Зорилья 81.

Финал
Панама – Мексика – 1:2
Гол: Арая 51.

Жамоа таркибига назар ташласак, футболчилар маҳаллий клубларда тўп тепишини кўрамиз. Фақат Кристофер Бэйрд Майамида жойлашган “Реал Мадрид” академияси тарбияланувчиси саналади. Тауро, Рио Абахо ва Арабе Унидо клубларидан жами 13 нафар ўйинчи чақирилган.

Панама ўсмирлар терма жамоаси таркиби:

№.	Футболчи	Т.сана	Амп.	Клуб	Бўйи
1	Хайме Грация	11/05/1996	Др	Тауро ФК (Панама)	195
2	Кристофер Бэйрд	13/03/1996	Ҳм	Реал Мадрид академияси (АҚШ)	180
3	Кейин Галван	10/03/1996	Ҳм	Миллениум ФК (Панама)	171
4	Хомар Диаз	29/10/1996	Ҳм	Рио Абахо (Панама)	173
5	Чин Ормеча	12/05/1996	Ҳм	Арабе Унидо (Панама)	176
6	Хесус Арая	03/01/1996	Ҳм	Тауро (Панама)	180
7	Элиесер Домингез	15/02/1996	Яҳ	Тауро (Панама)	168
8	Феликс Генерал	19/04/1996	Ҳм	Тауро (Панама)	167
9	Луис Суньига	27/01/1997	Ҳуж	Рио Абахо (Панама)	173
10	Исмоил Диаз	12/05/1997	Ҳуж	Тауро (Панама)	181
11	Луис Канате	09/08/1996	Яҳ	Арабе Унидо (Панама)	165
12	Роберто Куэто	23/03/1996	Др	Тауро (Панама)	171
13	Стибен Сантос	14/01/1998	Яҳ	Рио Абахо (Панама)	170
14	Вернер Уольд	02/02/1996	Яҳ	Тауро (Панама)	172
15	Луис Алаин	26/03/1996	Ҳм	Атлетико Верагуэнсе (Панама)	173
16	Видал Гонсалез	10/04/1996	Яҳ	Тауро (Панама)	168
17	Мойзес Гил	09/02/1997	Ҳуж	Багозо ФК (Панама)	172
18	Эркин Зоррилья	14/05/1996	Ҳуж	Тауро (Панама)	177
19	Милсиадес Молина	06/01/1997	Яҳ	Миллениум ФК (Панама)	164
20	Луис Перейра	27/03/1996	Ҳм	Арабе Унидо (Панама)	172
21	Эрмес Ортега	26/03/1996	Др	Миллениум ФК (Панама)	172

 

Беҳзод НАЗАРОВ тайёрлади.