⚡️ Рамос – XXI асрда энг кўп гол урган ҳимоячи. Мурод Ҳолмуҳамедов Годин ва Геррейро билан бир хил натижа қайд этган
21 feb 2023 09:10
News

⚡️ Рамос – XXI асрда энг кўп гол урган ҳимоячи. Мурод Ҳолмуҳамедов Годин ва Геррейро билан бир хил натижа қайд этган

Халқаро футбол тарихи ва статистикаси федерацияси 21 асрда энг кўп гол урган ҳимоячилар рўйхатини тақдим этди.

Унда 130 та гол билан ПСЖ аъзоси Серхио Рамос етакчи сифатида кўрсатилган.

Рейтингни тузишда ҳимоячиларнинг миллий лига (NL), кубок (NC), клублар ўртасидаги халқаро мусобақалар (ICC) ҳамда терма жамоадаги (NT) натижалари инобатга олинди.

Рамосдан кейинги ўринда 2019 йил бутсасини михга илган япониялик Тулио Танака (104) жой олди. Кейинги футболчиларда 93 тадан гол бор – Абдураҳмон Хашуд (Жазоир) ва Кейлор Сото (Коста-Рика).

Шунингдек, ўзбекистонлик ҳимоячилар орасида Мурод Холмуҳамедов топ-62'дан ўрин олди. Ҳозирда клубсиз бўлган футболчи 51 та тўп киритган ва бу борада Диего Годин (Уругвай), Хуан (Бразилия), Рафаэл Геррейро (Португалия) билан бир хил натижа қайд этиб турибди.

32 ёшли Холмуҳамедов 44 та голини миллий чемпионатда, 5 та голини кубокда, битта голини ОЧЛ саралашида (“Бунёдкор” таркибида) ва яна биттасини Ўзбекистон МТЖ (Тожикистонга қарши ўртоқлик ўйини)да урган.