Рамос: “Атлетико”ни душман деб аташ нотўғри”
12 jan 2020 07:16
News

Рамос: “Атлетико”ни душман деб аташ нотўғри”

Мадриднинг “Реал” клуби сардори Серхио Рамос Испания Суперкубоги финалида “Атлетико”га қарши баҳс олдидан ўз фикрлари билан ўртоқлашди.

“Атлетико”ни бизга душман деб аташ нотўғри бўларди. Мен ҳеч бир жамоани бизга душман сифатида қарамайман. Уларни шунчаки бизнинг рақобатчиларимиз дейиш мумкин. Аммо ҳар ким ўзи истаганидек ўйлашга ҳақли. “Атлетико” – жуда ноқулай рақиб. Улар сўнгги сонияларгача ғалаба учун кураш олиб боришади. Биз бу “жанг”га тайёрмиз ва сўнгги томчи қонимиз қолгуча ушбу совринни қўлга киритиш учун курашамиз”, дея Рамоснинг сўзларидан иқтибос келтирмоқда Marca.

“Реал” ва “Атлетико” ўртасида Испания Суперкубоги учун кечадиган баҳс бугун, 12 январь куни Саудия Арабистонидаги “Қирол Абдулла Спортс Сити” стадионида бўлиб ўтади. Учрашув Тошкент вақти билан соат 23:00 да бошланади.

Link :

Source : Marca

Receive latest football news directly on your phone. Subscribe for our Telegram channel!

Rating: +24