Рафинья яна узоқ муддат "Барселона"да қолиши мумкин

"Барселона" клуби Рафинья билан янги шартнома бўйича музокараларни бошлади. Клуб вингерга 2030 йилга қадар мўлжалланган шартнома таклиф қилмоқчи. 

Mundo Deportivo нашри берган хабарга кўра "Барселона" янги шартнома бўйича Рафиньянинг товон пулини бозор нархига мослайди,ушбу банд 2026 йилги ЖЧдан кейин активлаштирилади. Шу пайтга қадар товон пули  1 млрд евро эди. Агар Рафинья клубдан кетишни истаб қолса, унда бундан имконият бўлиши учун ҳам товон пули бозор нархигача туширилади. 

Маълум бўлишича, Рафиньянинг ўзи ҳам "Барселона" билан янги шартнома имзолашга қарши эмас. Бразилиялик бундан олдин Саудия Арабистонидан бўлган бир неча таклифларни рад этганди.