Радамель Фалькао: “Голни нишонлаш пайтида нега қучоқлашиш керак эмас?”

“Карантин пайтидаги футбол учрашувини томоша қилиб, менда савол туғилди: футболчиларни гол урилгач, бир бириларини қучоқлаган ҳолда табриклашларини тақиқлашдан нима наф? Шундоғам бутун учрашув давомида улар рақиб жамоаси вакиллари билан “контакт”да бўлишади. Бурчак ва жарима тўплари вақтида ҳимоячилар устимиздан сакраб, тўп учун курашишадику! “Жонли девор” ўрнатилган вақтда жамоадошлар бир бирлари билан жуда яқин жойлашишадку?!” дея ўзининг Твиттердаги саҳифасида фикрлари билан ўртоқлашди Фалькао.

Эслатиб ўтамиз, кеча Бундеслиганинг 26-тури доирасида ўтказилган “Боруссия” – “Шальке-04” жамоалари (4:0) ўйини вақтида мезбонлар рақиб дарвозасини ишғол этгач, ижтимоий масофани сақлаган ҳолда голни нишонлашган эди.