Қуръадан кейинги гаплар ёхуд 1997-98лар ўртасидаги мусобақа жуда фойдали бўлади
18 dec 2014 11:36
News
![](https://championat.asia/upload/storage/155283_original.jpg)
![](/upload/storage/155283_220.jpg)
Қуръадан кейинги гаплар ёхуд 1997-98лар ўртасидаги мусобақа жуда фойдали бўлади
Хабарингиз бор, кеча олий лига баҳсларига қуръа ташланди.
Қуръа якунига етгач, ПФЛ Бош директори Фарҳод Магометов журналистлардан зални тарк этишни сўради ва фақат олий лига клублари раҳбарлари ва мураббийларини олиб қолди. Табиийки, ичкарида қандай гап-сўзлар бўлгани бизга қизиқ эди. Қолаверса, журналистларни қуръадан кейин чиқариб юбориш жуда ғалати бўлди.
Ҳозир ахборот асрида яшаётган эканмиз, футбол мухлисларидан нимадир бекитиб юриш қийин бўлиб қолди. ОАВдан яширишнинг-ку умуман ҳожати қолмади. Чунки ишимиз шу бўлганидан кейин барибир қачондир, қаердадир эшитамиз. Бизга маълум бўлишича, кеча клублар раҳбарлари билан анча кўп гап бўлибди. Қуйида шулар ҳақида тўхталиб ўтамиз.
Келаси йил фақат бир жамоа тушиб кетади
Биласиз, бу йилдан олий лига иштирокчилари сони яна 16тага етказилди. Бу ўзгариш олий лигада ўйинлар сонини кўпайтириш билан бирга биринчи лигадан олий лигани кўзлаётган яққол фаворит йўқлигига сабаб бўлди. Чиндан ҳам ҳозир биринчи лигадан ҳеч қайси жамоани кейинги йил олий лигага чиқиш учун кураш олиб боради деб баралла айта олмаймиз.
Регламентда бу нарса эълон қилинадими-йўқми, билмадигу, лекин кейинги чемпионатда мавсум якунига етганидан сўнг фақат бир жамоа олий лигани тарк этар экан. 15-ўрин эгаллаган жамоа эса биринчи лигада 2-ўринни олган клуб билан ўтиш баҳсида иштирок этади. Олий лигада 16-ўринни олган клуб элита билан дарҳол хайрлашади.
Стадионлар алоҳида акт қилинади
Бундан кейин нафақат асосий таркиб уй учрашувларини ўтказадиган стадион, балки ўринбосарлар таркиби ўйнайдиган стадионлар ҳам алоҳида акт қилиниб, ПФЛ топширилади. Асосий стадион учун тайёрланадиган акт рангли қоғозда бўлиши шарт.
Клубларни лицензиялаш ҳақида
Биласиз, яқин икки-уч йилдан бери ОФК талабларига мувофиқ олий лига клублари ҳар йили лицензиялашдан ўтишяпти. Бундан кейин ҳар бир клуб сафида алоҳида дарвозабонлар мураббийи ва жисмоний тайёргарлик бўйича мураббий бўлиши шарт. Йўқса, ўша жамоаларга лизенция берилмайди.
Бундан ташқари, ҳар бир клуб штатида “Лицензия ишлари билан шуғулланувчи менежер” бўлиши шарт. Бундан кейин ҳеч бир жамоада масалан, клуб матбуот котиби бир пайтнинг ўзида ҳам матбуот ишларини, ҳам лицензиялаш ишларини бажара олмайди. Матбуот котиби фақат матбуотга доир ишлар билан шуғулланади, лицензиялаш бўйича эса алоҳида шахс фаолият юритади.
“С” лицензияси бор мураббийлар
Бундан кейин “С” лицензиясига эга мураббийлар фақат болалар футболида фаолият юритишади. Уларга ҳеч қанақасига асосий таркиб тугул, ўринбосарларда ва ҳатто биринчи лигада ҳам ёрдамчи мураббий, массажчи, илмий-услубчи, жисмоний тайёргарлик бўйича, дарвозабонлар мураббийи бўлиб ишлашига рухсат берилмайди. Кимда “С” лицензияси бўлса, у фақат болалар футбол мактабларида ишлаши мумкин.
ПФЛ Кубоги
Ҳар йили анъанавий тарзда ўтказиб келинадиган ПФЛ Кубоги бу сафар 2-18 февраль кунлари бўлиб ўтади. Мусобақа санасига ўзгартириш киритилиши мумкин.
Легионерлар учун 10 миллион
2015 йилги футбол мавсуми учун олий лиганинг ҳар бир клуби жамоа билан шартнома имзолаган Ўзбекистон фуқароси бўлмаган футболчи, мураббий, ходим учун ПФЛ ҳисоб-рақамига 10 миллион сўм ўтказиб беради. Масалан, бизда легионерлар лимити 3+1 эканлигини ҳисобга олсак, ким нечта легионер таклиф этишига қараб ҳар бирининг “заявкаси” учун қўшимча 10 млн. сўм тўлайди. Бу гап Ўзбекистон фуқароси бўлмаган мураббийларга ҳам тегишли.
1997-98лар турнири
1997-98 йилларда туғилган футболчилар бу йил жаҳон чемпионатига чиқа олишмади. Энди уларнинг ўйин амалиётисиз қолиб кетмаслиги учун келаси йил айнан шу ёшдаги футболчилар ўртасида Республика биринчилиги ташкил этилади. Олий лиганинг 16та клубидан шу ёшдаги тарбияланувчилар саккизтадан икки минтақага бўлинади. Ўзаро ўйинлар бўлиб ўтгач, ҳар бир минтақадан тўрттадан жамоа финал босқичига йўл олади. Кейинчалик эса Тошкентда 8та жамоа ўртасида финал ўйинлари бўлиб ўтади. Ва якунда ғолиб ва совриндорлар аниқланади.
Championat.asia изоҳи: Тўғрисини айтганда, мана шу ғоя зўр бўлибди. Болалар футболидан катта футболга қадам қўяётган ўсмирлар учун айни шундай турнирлар ниҳоятда керак. Тўғри, ҳар бир вилоятда ички биринчиликлар ўтказилади. Бироқ олий лига клуби тарбияланувчилари бошқа бир олий лига жамоаси мактаби ўйинчилари билан ўйнаш ёш футболчилар учун ниҳоятда фойдали бўлади. Қолаверса, бу ҳар қандай вилоят иккинчи лигасидан қизиқроқ кечади. Болалар футболини ривлжлантириш учун мана шунақа турнирларни кўпайтирмасак бўлмайди. Хуллас, кеча йиғилишда шунақа гаплар бўлибди. Ажаб эмас, ПФЛ келаси йилдан бошлаб енг шимариб астойдил ишга киришса-ю, ишлаш қанақа бўлишини бошқаларга бир кўрсатиб қўйса.
Хайрулла Холиқов.
Ҳозир ахборот асрида яшаётган эканмиз, футбол мухлисларидан нимадир бекитиб юриш қийин бўлиб қолди. ОАВдан яширишнинг-ку умуман ҳожати қолмади. Чунки ишимиз шу бўлганидан кейин барибир қачондир, қаердадир эшитамиз. Бизга маълум бўлишича, кеча клублар раҳбарлари билан анча кўп гап бўлибди. Қуйида шулар ҳақида тўхталиб ўтамиз.
Келаси йил фақат бир жамоа тушиб кетади
Биласиз, бу йилдан олий лига иштирокчилари сони яна 16тага етказилди. Бу ўзгариш олий лигада ўйинлар сонини кўпайтириш билан бирга биринчи лигадан олий лигани кўзлаётган яққол фаворит йўқлигига сабаб бўлди. Чиндан ҳам ҳозир биринчи лигадан ҳеч қайси жамоани кейинги йил олий лигага чиқиш учун кураш олиб боради деб баралла айта олмаймиз.
Регламентда бу нарса эълон қилинадими-йўқми, билмадигу, лекин кейинги чемпионатда мавсум якунига етганидан сўнг фақат бир жамоа олий лигани тарк этар экан. 15-ўрин эгаллаган жамоа эса биринчи лигада 2-ўринни олган клуб билан ўтиш баҳсида иштирок этади. Олий лигада 16-ўринни олган клуб элита билан дарҳол хайрлашади.
Стадионлар алоҳида акт қилинади
Бундан кейин нафақат асосий таркиб уй учрашувларини ўтказадиган стадион, балки ўринбосарлар таркиби ўйнайдиган стадионлар ҳам алоҳида акт қилиниб, ПФЛ топширилади. Асосий стадион учун тайёрланадиган акт рангли қоғозда бўлиши шарт.
Клубларни лицензиялаш ҳақида
Биласиз, яқин икки-уч йилдан бери ОФК талабларига мувофиқ олий лига клублари ҳар йили лицензиялашдан ўтишяпти. Бундан кейин ҳар бир клуб сафида алоҳида дарвозабонлар мураббийи ва жисмоний тайёргарлик бўйича мураббий бўлиши шарт. Йўқса, ўша жамоаларга лизенция берилмайди.
Бундан ташқари, ҳар бир клуб штатида “Лицензия ишлари билан шуғулланувчи менежер” бўлиши шарт. Бундан кейин ҳеч бир жамоада масалан, клуб матбуот котиби бир пайтнинг ўзида ҳам матбуот ишларини, ҳам лицензиялаш ишларини бажара олмайди. Матбуот котиби фақат матбуотга доир ишлар билан шуғулланади, лицензиялаш бўйича эса алоҳида шахс фаолият юритади.
“С” лицензияси бор мураббийлар
Бундан кейин “С” лицензиясига эга мураббийлар фақат болалар футболида фаолият юритишади. Уларга ҳеч қанақасига асосий таркиб тугул, ўринбосарларда ва ҳатто биринчи лигада ҳам ёрдамчи мураббий, массажчи, илмий-услубчи, жисмоний тайёргарлик бўйича, дарвозабонлар мураббийи бўлиб ишлашига рухсат берилмайди. Кимда “С” лицензияси бўлса, у фақат болалар футбол мактабларида ишлаши мумкин.
ПФЛ Кубоги
Ҳар йили анъанавий тарзда ўтказиб келинадиган ПФЛ Кубоги бу сафар 2-18 февраль кунлари бўлиб ўтади. Мусобақа санасига ўзгартириш киритилиши мумкин.
Легионерлар учун 10 миллион
2015 йилги футбол мавсуми учун олий лиганинг ҳар бир клуби жамоа билан шартнома имзолаган Ўзбекистон фуқароси бўлмаган футболчи, мураббий, ходим учун ПФЛ ҳисоб-рақамига 10 миллион сўм ўтказиб беради. Масалан, бизда легионерлар лимити 3+1 эканлигини ҳисобга олсак, ким нечта легионер таклиф этишига қараб ҳар бирининг “заявкаси” учун қўшимча 10 млн. сўм тўлайди. Бу гап Ўзбекистон фуқароси бўлмаган мураббийларга ҳам тегишли.
1997-98лар турнири
1997-98 йилларда туғилган футболчилар бу йил жаҳон чемпионатига чиқа олишмади. Энди уларнинг ўйин амалиётисиз қолиб кетмаслиги учун келаси йил айнан шу ёшдаги футболчилар ўртасида Республика биринчилиги ташкил этилади. Олий лиганинг 16та клубидан шу ёшдаги тарбияланувчилар саккизтадан икки минтақага бўлинади. Ўзаро ўйинлар бўлиб ўтгач, ҳар бир минтақадан тўрттадан жамоа финал босқичига йўл олади. Кейинчалик эса Тошкентда 8та жамоа ўртасида финал ўйинлари бўлиб ўтади. Ва якунда ғолиб ва совриндорлар аниқланади.
Championat.asia изоҳи: Тўғрисини айтганда, мана шу ғоя зўр бўлибди. Болалар футболидан катта футболга қадам қўяётган ўсмирлар учун айни шундай турнирлар ниҳоятда керак. Тўғри, ҳар бир вилоятда ички биринчиликлар ўтказилади. Бироқ олий лига клуби тарбияланувчилари бошқа бир олий лига жамоаси мактаби ўйинчилари билан ўйнаш ёш футболчилар учун ниҳоятда фойдали бўлади. Қолаверса, бу ҳар қандай вилоят иккинчи лигасидан қизиқроқ кечади. Болалар футболини ривлжлантириш учун мана шунақа турнирларни кўпайтирмасак бўлмайди. Хуллас, кеча йиғилишда шунақа гаплар бўлибди. Ажаб эмас, ПФЛ келаси йилдан бошлаб енг шимариб астойдил ишга киришса-ю, ишлаш қанақа бўлишини бошқаларга бир кўрсатиб қўйса.
Хайрулла Холиқов.
Link :
Source : championat.asia
Receive latest football news directly on your phone. Subscribe for our Telegram channel!
![AMP Logo](https://championat.asia/image/logo-amp.png)
Comments