Қозоғистонлик футболчи "Зенит"да
18 jan 2020 18:50
News

Қозоғистонлик футболчи "Зенит"да

Қозоғистон терма жамоаси ярим ҳимоячиси Бауржан Исламхан "Зенит" жамоаси билан шуғулланмоқда.

26 ёшли "Қайрат" собиқ футболчиси Россия жамоасининг Қатардаги машғулотларида илк бор иштирок этмоқда.

"Зенит" Исламханни кўрикка чақирган. Олдинроқ маълум бўлганидек, Қозоғистон ҳам кирадиган ЕОИИ (Евроосиё иқтисодий иттифоқи)дан келган футболчилар Россияда 2020 йилнинг 1 июлидан легионер ҳисобланишмайди.

РПЛ етакчиси ҳозирда ўқув-машғулот йиғинини Қатарда ўтказмоқда. Бауржан ЕЧЛнинг 2019/20 йилги мавсум гуруҳ босқичи иштирокчиси "РБ Зальцбург" жамоасига қарши бўлиб ўтадиган назорат ўйинида иштирок этади.

Эслатиб ўтамиз, Бауржан Исламхан "Қайрат"ни эркин агент сифатида тарк этди. Унинг алматиликлар билан тузган шартномаси 2019 йилининг сўнггида якунланган эди ва ўйинчи битимни узайтирмади.