"Қўқон-1912": "Турон" жамоасини табриклаймиз
23 nov 2019 10:56
News

"Қўқон-1912": "Турон" жамоасини табриклаймиз

Тошкент шаҳрида В про-лиганинг шарқ ва ғарб минтақалари ғолиб жамоалари ўртасида А про-лигага чиқиш учун финал ўйини бўлиб ўтди.

Майдонга "Зомин" ҳамда "Турон" жамоалари футболчилари чиқишди. Шиддатли курашларга бой учрашувнинг асосий вақти 2-2 ҳисобидаги дуранг натижа билан якунланди. Қўшимча дақиқаларда янада ўзгача иштиёқ билан майдонга чиққан Яйпанлик футболчилар рақиб дарвозасига ҳал қилувчи голни киритиб, якунда 3-2 ҳисобида ғалаба қозондилар. Шундай қилиб Яйпаннинг "Турон" жамоаси келгуси мавсумда А про-лига мусобақасида иштирок этиш ҳуқуқини қўлга киритди.

"Турон" жамоасининг қўлга киритган ғалабаси билан "Қўқон-1912" футбол клуби раҳбарияти, мураббийлар штаби, барча футболчилар ҳамда Қўқонлик футбол мухлислари номидан табриклаймиз!

"Турон" жамоаси раҳбарияти ҳамда жамоа аъзоларини ушбу мувафақиятга эришиш йўлида қилган фидокорона меҳнатлари туфайли Фарғона вилоятида яна бир кучли футбол жамоаси вужудга келганидан беҳад хурсандмиз. "Турон" футбол клубига келгуси мавсумда ҳам омад тилаймиз!

ОЛҒА "ТУРОН", ОЛҒА ЯЙПАН!

Link :

Source : kokand1912.uz

Receive latest football news directly on your phone. Subscribe for our Telegram channel!

Rating: +6