"Қўқон-1912" тез орада янги футболчиларни таништиради
20 feb 2020 14:27
News

"Қўқон-1912" тез орада янги футболчиларни таништиради

Tags : Қўқон-1912

"Қўқон-1912" жамоаси Суперлиганинг янги мавсумига жиддий тайёргарлик кўрмоқда.

Жамоа чемпионат стартидан олдин анъанага мувофиқ янги футболчиларни таништирув маросимини ўтказади. Ушбу тадбир 25-27 февраль кунлари оралиғида ўтказилиши кутилмоқда. Бу ҳақда сайтимизга клуб матбуот котиби Акрамжон Мамадалиев хабар берди.

"Янги формалар тайёр бўлишини кутяпмиз. Шунга қараб таништирув маросими кунини белгилаймиз", - дейди Акрамжон Мамадалиев.

Эслатиб ўтамиз, Бахтиёр Ашурматов бошчилигидаги "Қўқон-1912" жамоаси сафига Ботирали Эргашев, Бобур Акбаров, Собит Синдаров, Суҳроб Нуруллоев, Зоҳид Абдуллаев, Шохназар Норбеков, Якуба Бамба, Сардор Азимов, Иван Йосович (Сербия) каби футболчилар келиб қўшилишди.

Фарҳоджон Узоқов тайёрлади