"Қўқон-1912" "Пахтакор"нинг икки нафар футболчисига қизиқмоқда
25 dec 2017 16:35
News

"Қўқон-1912" "Пахтакор"нинг икки нафар футболчисига қизиқмоқда

Олий лигада трансферлар мавсуми расман очилишига саноқли кунлар қолди.

1 январдан бошлаб Ўзбекистон чемпионатида трансфер ойнаси расман очилади.

Кўплаб футболчиларнинг ўз жамоалари билан тузан шартномалари 31 декабрда тугайди.

"Қўқон-1912" жамоаси ҳам ўз таркибини кучайтириш мақсадида селекция ишларини бошлаб юборган.

Бизга маълум бўлишича, айни пайтда қўқонликлар "Пахтакор"нинг икки нафар футболчиси - Даврон Ҳошимов ва Шерзод Каримовга жиддий қизиқиш билдиришмоқда.

Шерзод Каримов яқиндагина "шерлар" билан расман хайрлашгани ҳақида хабар бергандик. Шерзод Каримов эркин агентга айланган. Даврон Ҳошимов эса ҳозирча "Пахтакор" машғулотларида иштирок этмоқда.

Агарда музокаралар муваффақиятли якунланса, унда бу иккала футболчи янги мавсумни эски устозлари Нўъмон Ҳасанов қўл остида "Қўқон-1912"да бошлашлари мумкин.

Link :

Source : championat.asia

Receive latest football news directly on your phone. Subscribe for our Telegram channel!

Rating: +26