"Қўқон-1912" ўйинларига йиллик абонементлар чиқарилди
14 feb 2015 11:42
News

"Қўқон-1912" ўйинларига йиллик абонементлар чиқарилди

"Қўқон-1912" жамоаси бу йил яна кучлилар сафига қайтганлиги муносабати билан клуб томонидан бу йилги чемпионат ўйинларига ҳар томонлама пухта тайергарлик кўрилмокда.

Биласиз, қўқонликлар мухлислик борасида Республикада етакчи ўринларда туришади. Клуб раҳбарияти мухлисларга қулайлик яратиш, чипталар билан муаммони олдини олиш мақсадида "Қўқон-1912" жамоасининг 2015 йилги уй учрашувлари учун йиллик абонементларни тайерлади.

Абонементлар Қўқон Марказий ўйингоҳининг пластмасса ўриндиқлар билан жиҳозланган марказий секторларга чиқарилди. Эндиликда 1та абонемент сотиб олган мухлис "Қўқон-1912" жамоасининг олий лига доирасидаги 15та ва Ўзбекистон кубоги доирасидаги битта ўйинга ўзи учун стадиондан қулай бўлган жойни "брон" қилади. Йиллик абонемент нархи 160 000 сўм қилиб белгиланди. Ҳар битта абонемент номерланган бўлиб "Қўқон-1912" клубида, Қўқон шаҳар солиқ идорасида ҳамда Қўқон шаҳар ички ишлар бошқармасида рўйхатга олинади. Абонементларни соҳталаштиришга уринган мухлислар қонунда белгиланган тартибда жазоланадилар. Абонементларни сотиб олиш учун Қўқон Марказий ўйингоҳига мурожаат қилиш мумкин. Корхона ва ташкилотлардан буюртмалар ҳам қабул қилинади.

А.Мамадалиев.

Link :

Source : championat.asia

Receive latest football news directly on your phone. Subscribe for our Telegram channel!

Rating: