«Қўқон-1912» мухлислар билан учрашув ўтказди

Учрашув шуни кўрсатдики Қўқонда чиндан ҳам футболни севишади,буни ўйингоҳга келган мухлислар сонидан ҳам билса бўлар эди.

Учрашувда «Қўқон-1912»  жамоасининг 2-даврага тайёргарлиги ва жамодан кимлар кетиб, қайси футболчилар келишгани ҳакида клуб вице-президенти, бош директори Бахтиер Толипов мухлислар олдида чиқиш қилдилар. Клуб раҳбари жамоанинг олдига қўйган режаларини мухлисларга баён қилиши мухлислар томонидан қарсаклар билан кутиб олинди.

Шундан сўнг жамоада булган ўзгаришларга навбат келди. Бундан буён клубнинг маркетинг ва матбуот хизмати бир бўлим бўлиб уни Акрамжон Мамадалиев бошқариши мухлисларга маълум қилинди. Клуб матбуот котиби этиб эса журналист Аброр Деҳконов тайинланди.

Жамоа таркибига 2-даврадан  янги қўшилган футболчилар Отабек Ҳайдаров, Суҳроб Қобилов, Илҳом Комилов, Айбек Нурбоев ва Асилбек Омоновлар мухлисларга таништирилиб, уларга жамоа формалари тақдим қилинди. Янги ўйинчилар мухлисларга ўзларининг тўп билан ишлаш маҳоратларини кўрсатиб беришди. Шундан сўнг бу футболчилар ўзларининг дастхатлари туширилган тўпларни мухлисларга совға қилишди.

Мухлислар номидан сўзга чиққан Йўлдошхон хожи ота  футболчиларга 2-даврада омад тилаб улардан фақат ғалаба кутишларини, мухлислар ҳам жамоани янада қизғин қўллаб-қувватлашларини таъкидлаб ўтдилар. Йўлдошхон амаки барча ўйинларда ғалаба қўқонликлар томонида бўлсин дея дуо қилдилар.
Учрашув якунлангач «Қўқон-1912» жамоаси футболчилари мухлислар кўз ўнгида машғулот ўтказишди. Биз сизларга бу учрашувдан фото ва видео лавҳаларни албатта тақдим қиламиз.