"Қўқон-1912" бугундан йиғинни бошлади
04 jan 2014 18:00
News

"Қўқон-1912" бугундан йиғинни бошлади

Декабрь ойида тайёргарликни бошлаган қўқонликлар янги йил байрами муносабати билан қисқа муддатли таътилга чиққанди.

Клуб матбуот хизматининг "СА"га хабар беришича жамоа аъзолари бугундан яна базада йиғилган.

Машғулотлар Қўқон шаҳар Навоий мавзесида жойлашган Акамдемик лицейнинг сунъий қопламали стадионида ўтказилмоқда.

Тоҳир Кападзе бошчилигида ўтаётган машғулотлар куниг икки маҳалдан, эрталаб соат 10:30 ва тушликдан сўнг 15:00да бўлмоқда. Бош мураббийга Муҳиддин Абдувалиев яқиндан ёрдам бермоқда.

Клубга ўтган мавсумда "Гулистон"да ишлаган массажчи келиб иш бошлаган.

Таркибда янгилардан Собир Ҳамидов ("Навбаҳор"), Жалил Кимсанов ("Қизилқум"), Нодир Ашурматов ("Сўғдиёна") ва бир қатор маҳаллий ёшларни учратиш мумкин.

Режага кўра "Қўқон-1912" ўз қароргоҳида 10 январга қадар шуғулланади. Шундан сўнг йиғин Тошкентга кўчади.

Link :

Source : championat.asia

Receive latest football news directly on your phone. Subscribe for our Telegram channel!

Rating: