“Қизилқум” келаси ҳафта йиғинни бошлайди

Клуб матбуот хизматининг хабар беришича, дастлабки йиғин 20 декабрда бошланиши режалашитирилган. Ушбу кичик йиғин бир ҳафта вақт давомида бўлиб ўтади. Унда асосан футболчиларнинг жисмоний холатини тиклашга эътибор қаратилади.

Шундан сўнг, янги йил муносабати билан қисқа муддатли таътил элон қилинади.

Январь ойининг дастлабки ҳафтасидан эса йиғин Ташкентда бошланади.

Бошқарув постида маҳаллий мураббий Юрий Лукиннинг ўзи қолиши деярли аниқ бўлиб улгурган. Фақатгина унга хориждан, аниқроғи, Сербия ёки Хорватиядан маслаҳатчи мураббий олиб келиниши мумкин.

Бу йилги мавсумда бошқа жамоалардан ижара асосида ўйнаш учун келган Элдор Бойматов (“Насаф”), Зафар Тўраев, Исроил Эргашев (“Олмалиқ”) каби ўйинчилар “Қизилқум”ни тарк этишган.

Шунингдек Жалил Кимсановга ҳам жавоб бериб юборилган.
Таркибга янги келиб қўшиладиганлар номи эса январда аниқ бўлади.