"Қироллар" ўртасидаги 36-тўқнашув

Кўпчилик ўз эътиборини Лионель Месси ҳамда Криштиану Роналду қарама-қаршилигига қаратиши аниқ. Ниҳоят, 2 йиллик танаффусдан сўнг, “икки даҳо” яна бир-бирига қарши тўқнаш келади. Уларнинг рекордлари ҳақида ортиқча тўхталиш ҳам шарт эмас назаримда. Келинг, бугунги учрашув олдидан Месси – Роналду ўртасидаги ўтган дуэлларни эслаб ўтамиз.

2008 йил. Илк тўқнашув

Демак, улар ўртасидаги биринчи ўйин Чемпионлар Лигаси 2007/08 йилги мавсум “Барселона” – “Манчестер Юнайтед” (1:0) ўртасидаги 1/2 финал илк баҳсига тўғри келади. Ўша учрашувда ҳисоб очилмаган, аммо “Олд Траффорд”даги баҳсда “қизил иблислар” Поль Скоулзнинг ягона голи эвазига зафар қучиб, финалга йўл олган ва кейинчалик мусобақа ғолибига айланганди.

2009 йил. Мессининг илк голи

ЕЧЛнинг 2008/09 йилги мавсумида “Барса” ўтган йилдаги мағлубият учун ўзига хос реванш олди. Мусобақа ҳал қилувчи баҳсида каталонияликлар МЮ устидан 2:0 ҳисобида ғалаба қозониб, титул соҳибига айланганди. Месси эса Роналдуга қарши дуэллардаги илк голини уришга эришган. Кичик бўйли Леонинг тўпга баланд сакраб, боши билан уни Ван дер Сар дарвозасига жойлаб қўйгани ҳали ҳамон кўпчиликнинг ёдида бўлса керак.

2011 йил. Роналдунинг илк голи

Криштиану Месси жамоаларига қарши ўйинлардаги дастлабки голини Аргентина – Португалия (2:1) ўртасидаги ўртоқлик учрашувида киритган. Роналду ўйиннинг 21-дақиқасида ҳисобни тенглаштирган бўлса, Месси ҳакам томонидан қўшиб берилган вақтда рақиб дарвозасига белгиланган пенальтини аниқ амалга ошириб, жамоасига ғалаба олиб келганди.

2012-йил. Энг эсда қоларли ўйинлардан бири

Испания чемпионати 2012/13 йилги мавсум 7-турида “Барселона” ва “Реал” ўртасидаги учрашувда жанговар дуранг билан якунланган. Ўйинда ҳисобни 23-дақиқада Криштиану Роналду жамоадоши Карим Бенземанинг аниқ узатмасидан сўнг очади. 1-таймнинг иккинчи қисмида Лионель Месси рақиб жарима майдонидаги пала-партишликдан фойдаланиб, Икер Касильяс қўриқлаётган дарвозани ишғол этган ҳолда мувозанатни тенглаштиради. 60-дақиқада Месси жарима тўпини чиройли тарзда амалга ошириб, жамоасини олдинга олиб чиқади. Мазкур голдан бироз ўтиб эса бу сафар Роналду катта саҳнага чиқиб, ўйинга якуний нуқтани қўйганди – 2:2!

2018 йил, охирги тўқнашув 

Икки юлдуз ўртасидаги ҳозирча сўнгги учрашув Ла Лига 2017/18 йилги мавсумида рўй берган ва унда 2:2 натижаси қайд этилганди. Ушбу учрашувда ҳам улар ўз ҳисобига биттадан гол ёздириб қўйган. Роналду мавсум якунида "Реал" билан ЕЧЛ ғолиблигини қаторасига учинчи маротаба қўлга киритганидан кейин фаолиятини "Ювентус"да давом эттиришга қарор қилганди.

Месси ва Роналду битта ўйинда гол урган учрашувлар - 9 та:

Ўртоқлик ўйини-2011. Аргентина – Португалия 2:1 (биттадан гол уришган)

Ла Лига 2010/2011. “Реал” – “Барселона” 1:1 (биттадан)

Испания Суперкубоги-2011. “Барселона” – “Реал” 3:2 (Роналду битта, Месси дубль)

Испания Суперкубоги-2012. 1-ўйин. “Барселона” – “Реал” 3:2 (биттадан)

Испания Суперкубоги-2012. Жавоб ўйини. “Реал” – “Барселона” 2:1 (биттадан)

Ла Лига 2012/13. “Барселона” – “Реал” 2:2 (иккаласи дубль)

Ла Лига 2013/14. “Реал” – “Барселона” 3:4 (Роналду битта, Месси хет-трик)

Испания Суперкубоги-2017. “Барселона” – “Реал” 1:3 (биттадан)

Ла Лига 2017/18. “Барселона” – “Реал” 2:2 (биттадан)

+ФАКТЛАР

-ўзаро ўйинларда устунлик Месси томонида – 35 ўйин, 16 ғалаба, 9 дуранг, 10 мағлубият;

-голлар бўйича ҳам етакчилик аргентиналик томонида – 22 та гол, Роналдуда эса 19 та;

-ассистлар борасида ҳам Лео пешқадам – 12 та пас, Роналдуда эса битта;

-Роналду Чемпионлар Лигаси доирасида Месси жамоаларига қарши 5 бор тўқнаш келган ва бирор марта ҳам гол уролмаган. Месси ҳисобида эса учта тўп мавжуд;

-Криштиану “Камп Ноу”га МЮ ва “Реал”да ўйнаган даврларида ташриф буюриб, умумий 12 та учрашув ўтказган ва 11 та гол урган;

-Месси ЕЧЛда “Ювентус”га қарши 5 бор тўқнаш келиб, 3 та тўп киритган.

*ўзаро ўйинлардаги статистика

Жорий мавсумдаги статистика

Месси - 13 ўйин, 7 гол, 4 пас

Роналду - 9 ўйин, 10 гол, 1 пас

Barcelona

Champions League Grp. G . Round 6 09/12/2020, 01:00 3 : 0 Finished

Juventus Cristiano Ronaldo - 13', Weston McKennie - 20', Cristiano Ronaldo - 52'

Stadium: Camp Nou, 0 spectators

Referee: Tobias Stieler

45'

90'

27'  Jordi Alba

31'  Clement Lenglet

46'  Trincao (Martin Braithwaite)

55'  Clement Lenglet (Samuel Umtiti)

55'  Jordi Alba (Junior Firpo)

60'  Samuel Umtiti

65'  Pedri (Ricard Puig)

78'  Junior Firpo

82'  Ronald Araujo (Oscar Mingueza)

13'  Cristiano Ronaldo

20'  Weston McKennie

20'  Juan Cuadrado

29'  Aaron Ramsey

52'  Cristiano Ronaldo

53'  Alvaro Morata

69'  Danilo

71'  Arthur (Rodrigo Bentancur)

71'  Aaron Ramsey (Adrien Rabiot)

75'  Leonardo Bonucci

85'  Juan Cuadrado (Federico Bernardeschi)

85'  Alvaro Morata (Paulo Dybala)

90'  Cristiano Ronaldo (Federico Chiesa)

Open in Match Center

P.S. Илк даврадаги ўйинда "кўканорранглилар" Усмон Дембеле ва Мессининг аниқ зарбалари эвазига 2:0 натижасида зафар қучган. Криштиану эса коронавирусга чалингани сабаб Туриндаги беллашувни ўтказиб юборганди. 

Элдор Акмурзаев тайёрлади