Қирғизистонниг "Нефтчи" клуби сафида бир қатор ҳамюртларимиз бор
10 mar 2018 10:20
News

Қирғизистонниг "Нефтчи" клуби сафида бир қатор ҳамюртларимиз бор

Мухлисларга яхши маълумки, ҳар йили бир қатор ўзбекистонлик футболчилар фаолиятини қўшни Қирғизистон чемпионатида давом эттиради.

Жорий мавсум ҳам бир нечта легионерларимиз Қирғизистон Топ-лигаси иштирокчиси бўлмиш Қўчқор-Отанинг «Нефтчи» жамоаси сафида кўриниш бермоқда. Булар - андижонлик дарвозабон Даврон Жўрақулов, ярим ҳимоячи Алишер Тўхтасинов, наманганлик ҳимоячи, Маҳсуд Ҳайитов ҳамда марғилонлик ҳужумчи Отабек Ҳайдаровдир.

Жўрақулов, Ҳайитов ва Тўхтасинов бунгача ҳам Қирғизистон чемпионатида ўйнаб келаётганди. Яқинда уларнинг сафига 26 ёшли ҳужумчи Отабек Ҳайдаров ҳам қўшилди.

Фарғонанинг «Нефтчи» жамоаси билан хайрлашган футболчи эндиликда Қўчқор-Отанинг «Нефтчи» клубида ўйнайдиган бўлди.

Маълумот учун, ушбу жамоа Топ-лига 2018 га тайёргарлик кўрмоқда.

Юқоридан ўнгдан биринчи: Ҳайдаров. №5 Ҳайитов. Дарвозабон - Жўрақулов. №7 Тўхтасинов.