Қирғиз Республикаси бош мураббийи: "Ўзбекистон қандай даражада эканлигини ҳамма билади"

Гуруҳдаги барча рақиблар аъло даражадаги футболчиларга эга сифатли жамоалар ҳисобланади. Ишончим комилки, ҳар бир жамоа турнирда муваффақият қозониш учун энг юқори мотивация билан майдонга чиқади.

Туркманистон терма жамоаси футболчиларининг аксарияти Осиё Чемпионлар Лигасида тўп тепади, бу эса уларнинг юқори халқаро тажрибаси ва рақобатбардошлигини кўрсатади. Яқинда жамоага мен шахсан таниш бўлган замонавий, юқори малакали мураббий Ровшан Аманович Мередов келди.

Шунингдек, CAFA Nations Cup-2025 турнири олдидан Ўмон терма жамоасини жаҳон даражасидаги мутахассис Карлуш Кейруш қабул қилиб олди. У ЖЧ-2010'да Португалия терма жамоасини, 2014 ва 2018 йилги жаҳон чемпионатларида Эрон терма жамоасини бошқарган.

Сўнгги пайтларда Ўмон тез-тез дуч келадиган рақибимизга айланди ва ҳар бир ўйин биз учун жуда қийин бўлди. Шу боис, бу сафарги беллашувлар қизиқарли бўлади, деб ўйлайман.

Ўзбекистоннинг ҳозирги даражасига келсак, буни ҳамма яхши билади. Улар 2026 йилги жаҳон чемпионатига йўлланмани қўлга киритди.

Биз учун гуруҳдан кейинги босқичга чиқиш муваффақиятли натижа ҳисобланади. Албатта, биз учун ҳар бир ўйин осон бўлмайди, лекин айнан мана шу мақсад бизни олдинга ундайди.