Қаршида "аншлаг" бўлиши кутилмоқда

Мазкур учрашув чипталари ўйиндан беш куни илгари сотувга чиқарилган эди. Қарши "Марказий" стадиони чиптахоналарида 28 май кунидан бошлаб  чипталар сотилиб келина бошлаган эди. Клуб маркетинг бўлимидан олинган маълумотларга қараганда, чипталар деярли тугаб бўлган ва баъзи секторлардан саноқли чипталар қолган.

Айтилишича, бу ўйинга қўшни воҳа ва водий тарафлардан ҳам бир гуруҳ футбол ишқибозлари ташриф буюришмоқда.

"Насаф" - "Пахтакор" учрашувига бўлган қизиқиш жуда юқори даражада. Бугун соат 19:00да бошланадиган баҳсда катта "аншлаг" кузатилиши кутилмоқда.

Чемпионатда мағлубият нималигини билмай келаётган "Пахтакор" жамоасининг бу сафар анчагина жиддий бўлган рақиб "Насаф" жамоаси кутиб турибди. "Шерлар" пешқадамликни сақлаб қолишадими? Ёки "аждарлар" уларни ўрниларидан қўзғата оладими? Бу саволларга бугунги ўйиндан сўнг жавоб олишимиз мумкин.

Олий лига, 10-тур.

«Насаф» (Қарши) – «Пахтакор» (Тошкент)

Ҳакамлар: Р. Бобомуродов (Навоий), Р. Самандаров (Навоий), О. Жумаев (Навоий), В. Нажафалиев (Тошкент)

Назоратчи: В. Валицкий (Тошкент).

 Эслатиб ўтамиз, “Насаф” – “Пахтакор” учрашуви 1 июнь куни Қаршидаги “Марказий” стадионда соат 19:00 да бошланади.

Бугун Қаршида катта футбол байрами!