ПСЖ Хакими билан шартнома бўйича келишувга эришди

Журналист Фабрицио Романонинг хабарига кўра, 22 ёшли марокашлик футболчи билан тузиладиган шартнома 5 йилга мўлжалланади.

Олдинроқ маълум бўлганидек, трансфер 70 миллион еврони ташкил этади. Ўйинчининг маоши эса йилига 10 миллион еврога тенг бўлади, бу "Интер"дагидан икки баробар кўп.

Хакими "Интер"га ўтган ёзда "Реал"дан 40 миллион евро эвазига ўтганди. Футболчи 2020/21 йилги мавсум 45та ўйинда майдонга тушиб, 7та гол ва 11та ассист қайд этди.