ПСЖ Руис билан шартнома борасида келишиб олди

Франция клуби 26 ёшли футболчи билан келишув шартларини келишиб олди, дея хабар берди журналист Фабрицио Романо.

ПСЖ ва "Наполи"нинг трансфери бўйича келишувга эришиш учун баъзи тафсилотларни ҳал қилиш қолди. Париж клубининг спорт масалалари бўйича маслаҳатчиси Луиш Кампуш испаниялик учун кечаётган курашда "Реал"ни мағлуб этиши лозим.

Бундан ташқари, ПСЖ ва "Наполи" дарвозабон Кейлор Наваснинг трансфери устида ишламоқда.

Парижликлар хавбек учун қарийб 25 миллион евро тўлаши хабар қилинганди.

Испаниялик футболчи ўтган мавсум "Наполи" сафида 38 та ўйинда майдонга тушиб, 7 та гол урган ва 5 та голли узатмани амалга оширган.