ПРО-Лига, “В” гуруҳи. 3-турнинг тезкор голи ва бошқалар ҳақида

Ўйинга жозиба бағишлайдиган голлар доимо мухлисларнинг диққат марказида туради. Якунланган турнинг 4та ўйинида 12та гол қайд этилди. Ҳар бир учрашувга ўртача 3тадан гол демакдир.

Мезбонлар 6та гол киритган бўлса, меҳмон жамоалар ҳам 6 бор рақиб дарвозасига тўп киритган.

Учрашувларнинг биринчи таймида 4та гол киритилган бўлса, иккинчи таймда сермаҳсуллик ортди ва яна 8та гол қайд этилди.

Ушбу турда энг кўп гол урган жамоа “Хотира-79” жамоаси бўлди. Уйчиликлар ўз майдонида “Локомотив-БФК”га қарши кечган баҳсда 4та тўп киритди. Меҳмонлар эса бунга 3та гол билан жавоб қайтарди холос.

“Ёзёвон” – “Лабса” учрашуви нурсиз дуранг билан якун топди.

3-турда “Ёзёвон”, “Лабса” ва “Шердор” жамоалари ўз дарвозалари даҳлсизлигини сақлаб қолишни уддасидан чиқди.

Турнинг энг тезкор голи муаллифи – Ислом Шарипов бўлди. “Локомотив-БФК” футболчиси “Хотира-79”га қарши баҳснинг 11-дақиқасидаёқ рақиб дарвозасини ишғол этиб, учрашувда ҳисобни очди.

Турнинг энг сўнгги дақиқада киритилган голига ҳам Ислом Шарипов муаллифлик қилди. “Локомотив-БФК” футболчиси учрашувнинг 88-дақиқада ҳам мезбонлар дарвозасига тўп киритди. Аммо унинг голлари жамоасини мағлубиятдан сақлаб қола олмади.

3-турда дублга эришган футболчи 2та бўлди. “Хотира-79” етакчиси Собир Ҳамидов “Локомотив-БФК” билан ўйинда рақиб дарвозасини икки бор иншонга олди. “Темирйўлчилар”дан эса Ислом Шарипов иккита тўп гол уришга эришди.

3-турда гол урган футболчилар
1. Бобур Мамажонов – “Хотира-79”.
2. Собир Ҳамидов (2та) – “Хотира-79”.
3. Абдулазиз Султонов – “Хотира-79”.
4. Ислом Шарипов (2та) – “Локомотив-БФК”.
5. Хаёт Сотиволдиев – “Локомотив-БФК”.
6. Ғолибжон Сарибоев – “Шердор”.
7. Акбар Сиддиқов – “Шердор”.
8. Бахтиёр Раҳматиллаев – “Ғиждувон”.
9. Баҳром Нарзуллаев – “Ғиждувон”.
10. Акмал Холматов – “Ифтихор”.