ПРО-лига. "Истиқлол" "Шўртан" билан баҳсда "камбэк" амалга оширди

Ўйиннинг дастлабки дақиқаларини жамоалар бир-бирларини ўрганиш билан ўтказдилар. Гоҳ "Шўртан" вакиллари, гоҳ "Истиқлол" вакиллари хавфли вазиятлар яратишга уринишди. Ўйиннинг 23-дақиқасида қарши ҳужумдан унумли фойданланган Ислом Бойсариев икки ҳимоячидан устун келиб ҳисобни очди - 0:1. Учрашувда мезбонлар ўзларига ўхшашмади. Балки "Сурхон"даги мағлубият ўз таъсирини кўрсатгандир.

Ўйиннинг иккинчи бўлимида "Истиқлол" жуда катта ўзгаришларга қўл урди. 56-дақиқада Элёр Акбаров уч ҳимоячини ортда қолдириб кетаётган вазиятда рақиблар уни тўхтатиб қолишди ва пенальти белгиланди. Захирадан майдонга тушган Тимур Толипов ҳисобни тенглаштирди - 1:1. Ўйинда "Истиқлол" вакилларидан Рустам Абдуҳамидов ҳаргалгидек ажралиб турди. 70-дақиқада Абдуҳамидов ўз қанотидан рейд амалга ошириб яқинроқ бўлган масофадан тўпни шерикларига етказиб беришга ҳаракат қилди, Обид Жўрабоев эса бу вазиятда ўз дарвозасини ишғол қилиб қўйди - 2:1.

Қолган вақт эса жуда қизиқ ўтди. Тўқнашувлар, баҳсли вазиятлар кўп кузатила бошлади. "Истиқлол" вакиллари қарши ҳужумга ўтиб олишди. Бир неча қулай имкониятлар қўлдан бой берилди. "Шўртан" вакиллари эса ҳисобни тенглаштиришнинг уддасидан чиқа олишмади.

“Истиқлол” – “Шўртан” 2:1
Ҳакамлар: Акобирхўжа Шукуруллаев, Расул Фозилов, Максим Нехочин.
Назоратчи: Бахтиёр Тоғаев.

Голлар: Тимур Толипов (пен) 57, Обид Жўрабоев 70 - Илҳом Бойсариев 23.

Огоҳлантиришлар: Санжар Асқаралиев 38, Азиз Мадалиев 82 - Отабек Нарзуллаев 38. Обид Жўрабоев 56.

“Истиқлол”: 1. Элдор Исабоев, 3. Иқбол Бобохонов, 4. Жасур Эрмаматов, 5. Абдухолиқ Қурбонов (С), 7. Ризо Айвазов, 8. Сардор Сотволдиев, 10. Элёр Акбаров, 11. Шердор Тўхтасинов, 13. Темур Султонов, 14. Рустам Абдуҳамидов, 23. Санжар Асқаралиев.
Захира: 12. Нодир Ашурматов, 2. Азиз Мадалиев, 9. Жаҳонгир Дадабоев, 15. Бобур Аминжонов, 18. Абдулазиз Ёқубов, 19. Темур Толипов, 22. Сардор Теляков.

“Шўртан”: 25. Алибек Туробов, 3. Муҳаммадали Алиқулов, 6. Холмурод Холмуродов, 7. Олимжон Каримов, 8. Сирожиддин Раҳматуллаев, 11. Жасур Холтўраев, 17. Ғулом Раҳмонов, 21. Ислом Бойсариев, 22. Оғабек Эркинов, 77. Отабек Нарзуллаев (С), 86. Обид Жўрабоев.
Захира: 30. Темур Жўраев, 9. Кенжа Тўраев, 10. Маъруфхон Муродов, 14. Жонибек Мирзақулов, 19. Муҳаммадали Абдураҳмонов, 23. Шаҳзод Хурсанов, 24. Нурбек Йўлдошев

Беҳруз Холиқов