PRO лицензияси учун мураббийлик курслари давом этмоқда

Аввалроқ, Ўзбекистон Футбол Федерацияси ҳамда Футбол ҳакамлари ва мураббийлари республика мактаби билан биргаликда ташкил этилган Профессионал мураббийлик курслари (PRO лицензияси учун) бошлангани ҳақида хабар берилган эди. Жами тўрт модулдан иборат ва 2014 йилнинг 14 апрелига қадар давом этадиган курсларда Ўзбекистон, Сербия, Сингапур, Россия каби мамлакатлардан жами 14 нафар мураббий иштирок этмоқда.

Курснинг биринчи босқичи 8 декабрь куни якунига етади. Қуйида мураббийлик курсларидан тайёрланган фотогалерея билан танишишингиз мумкин. Суратлар муаллифи – Ҳасан Пирмуҳамедов (ЎФФ Матбуот хизмати).