Превью. Йиқилган курашга тўймас ёхуд аламзада АГМК "Металлург"дан қасос оладими?

Мазкур учрашув олдидан бир нечта қизиқарли маълумотлар ва фактларга тўхталиб ўтамиз.

УЧИНЧИ УРИНИШДА КИМ ҒОЛИБ?

АГМК - "Металлург" иштирокидаги  ўйин жорий йил бўйича учинчиси ҳисобланади. Суперлигадаги икки беллашувда омад бекободликларга кулиб боқди (0:1, 0:1). Қизиқ ҳолат шуки, икки учрашувда ҳам олмалиқликлар тўлиқ таркиб билан ҳаракат қилгани йўқ. Биринчи даврадаги баҳсда Сардор Раҳмонов ва Шоҳруҳ Гадоев четлатилган бўлса, иккинчи даврада ҳам деярли шу ҳолат такрорланди, Раҳмонов яна бир бор қизил карточка билан жазоланди. Унинг дисквалификация муддати тугаган. Ўйин қайдномасига киритилган. Демак майдонга тушиши мумкин.

КУБОКЛАРДА МЕТАЛЛУРГ УСТУН 

АГМК жамоаси ўз майдонида "Металлург"га қарши майдонга чиқади. Жамоалар шу кунга қадар мамлакат кубогида 4 маротаба ўзаро тўқнаш келишган. Устунлик бекободликлар томонида, 3та ғалаба. Фақатгина 1та учрашувда АГМК ютуққа эришган. Кубок доирасидаги охирги ўйин 2020 йилнинг декабрь ойида бўлиб ўтган. Ўша оқшомда Миржалол Қосимов шогирдлари қўшимча бўлимда тўп киритиб кейинги босқичга йўл олганди.

12.12.2020. АГМК - "Металлург" 4:3

21.05.2016. АГМК - "Металлург" 2:3

25.03.2016. "Металлург" - АГМК 1:0

09.03.2007. АГМК - "Металлург" 0:1

ЎЗАРО ЎЙИНЛАРДАГИ 31-УЧРАШУВ 

Барча мусобақаларни ҳисоблаганда бугунги беллашув жамоалар тарихидаги ўзаро 31- ўйин сифатида қайд этилади. Суперлигадаги 2 ғалаба эвазига устунлик  "Металлург" томонига ўтди. 17 ғалаба, АГМКда бу кўрсаткич 15тани ташкил қилади. Тўплар нисбати 58-58. 

АГИШЕВ АГМК ЎЙИНИДА БИР ЙИЛДАН СЎНГ 

Бугунги учрашувни бошқариб борадиган рефери Вадим Агишев 1 йилдан сўнг яна АГМК бошқарувидаги ўйинга тайинланди. У сўнгги бор 2021 йилги мавсумнинг 11-турида "Андижон" - АГМК ўйинини бошқарганди. "Металлург" иштирокидаги баҳсда эса иккинчи бор ишлайди (биринчиси 2022 йил 3-тур "Металлург" - "Сурхон" 1:1).