Превью. "Сўғдиёна" - "Шўртан"

«Сўғдиёна» (Жиззах) – «Шўртан» (Ғузор)
8 август 2015. Жиззах. "Жиззах" стадиони. 19:00
Ҳакамлар: М. Муҳамедов (Тошкент вил.), Р. Фозилов (Наманган), М. Мажидов (Наманган), И. Гармашов (Тошкент)
Назоратчи: Г. Имомов (Тошкент).

“Сўғдиёна” ҳамда “Шўртан” клублари олий лигада шу кунгача 13 бор куч синашишган. “Шўртан” ҳисобида 6та, “Сўғдиёна” ҳисобида 5та ғалаба мавжуд, 2та ўйинда дуранг натижа қайд этилган. Тўплар нисбатида кичик устунлик ғузорликлар томонида: 17:15. “Шўртан” 20, “Сўғдиёна” ўзаро ўйинларда 17 очкони қўлга киритган. “Сўғдиёна”нинг энг йирик ғалабаси 3:1, “Шўртан”нинг энг йирик муваффақияти эса 3:0.

Дастлабки даврада Ғузорда ўтган баҳсда мезбонлар йирик ҳисобда зафар қучишганди. ҒуломҲайдар Ғуломов, Элдор Бойматов ва Игорь Тараннинг голлари “Шўртан”га уч очко келтирганди – 3:0.

“Сўғдиёна” майдонида ўтган барча учрашувлар:
23.10.2013 «Сўғдиёна» - «Шўртан» 3:1
30.07.2011 «Сўғдиёна» - «Шўртан» 2:3
24.10.2009 «Сўғдиёна» - «Шўртан» 0:0
08.11.2008 «Сўғдиёна» - «Шўртан» 2:1
08.04.2006 «Сўғдиёна» - «Шўртан» 0:0
18.06.2005 «Сўғдиёна» - «Шўртан» 2:1

Ўзаро ўйинлар ҳақида факт: Жиззахдаги 6та ўйиндан 3тасида “Сўғдиёна”, биттасида “Шўртан” ғалаба қозонган. Иккита учрашув дуранг натижаси билан тугаган.