Превью. "Шўртан" - "Динамо"

«ШЎРТАН» – «ДИНАМО»
10 август. Ғузор. “Марказий” стадиони. 18:00
Ҳакамлар: В.Коваленко, М.Саидқосимов, Х.Мирзааҳмедов, А.Эргашев.
Назоратчи: А.Арутюнов.

Натижалар “Динамо”нинг кичик устунлигини кўрсатмоқда. “Динамо” 8та ўйинда ғалаба қозонган, “Шўртан” ҳисобида эса 7та учрашувда зафар қучди, 2та ўйинда ғолиб аниқланмаган. Тўплар нисбати “Динамо” фойдасига 23:21 ни ташкил қилмоқда. Ўзаро ўинларда “арслонлар” 26 очко тўплашган, “оқ бўрилар” эса 23та очкони қўлга киритишган.

“Динамо”нинг “Шўртан” устидан қозонган йирик ғалабаси – 4:1га тенг. “Шўртан”нинг ушбу рақиб устидан қозонган энг йирик ғалабаси 4:2 бўлиб турибди.

12-турда Самарқандда кечган ўйинда майдон эгалари зафар қучишганди. Сирожиддин Сайфиевнинг иккита голига ғузорликлар Дилявер Абибуллаевнинг голи билан жавоб беришганди – 2:1.

29.06.2013. 12-тур.
“Динамо” – “Шўртан” - 2:1 (1:0)
Самарқанд. “Динамо” стадиони. 5577 томошабин.
Ҳакам: Р.Бобомуродов
Голлар: С.Сайфиев 10, 53 - Д.Абибуллаев 47.

Ғузорда бўлиб ўтган сўнгги беш учрашув:
21.09.2012 «Шўртан» - «Динамо» 1:0
22.04.2011 «Шўртан» - «Динамо» 2:0
10.04.2010 «Шўртан» - «Динамо» 2:0
17.10.2009 «Шўртан» - «Динамо» 3:2
04.05.2008 «Шўртан» - «Динамо» 1:1

Ўзаро ўйинлар ҳақида факт: Ғузорда бўлиб ўтган ўйинларда “Динамо” фақат бир марта (2005 йил) ғолиб чиққан ва бир марта (2008 йил) дуранг қайд этган. Қолган олтита ўйинда “Шўртан” зафар қучган. Сўнгги тўртта ўйинда ғузорликлар мунтазам равишда ғалабага эришиб келган. “Динамо” Ғузордаги охирги учта баҳсни гол ура олмай тарк этган.


Нарзулла Сайдуллаев