Превью. "Қўқон-1912" - "Бунёдкор"

«Қўқон-1912» (Қўқон) – «Бунёдкор» (Тошкент)
9 май 2016 йил. Қўқон. "Марказий" стадиони. 17:00
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Шукуруллаев (Тошкент)
Назоратчи: А. Клепиков (Тошкент).

“Қўқон-1912” ва “Бунёдкор” клублари олий лигада икки марта тўқнаш келишган холос. Ўтган йил бўлиб ўтган иккала учрашувда ҳам “Бунёдкор” ғалабага эришган. Қўқонда бўлиб ўтган учрашувда Достонбек Ҳамдамовнинг урган голи “қалдирғочлар”га ғалаба келтирганди – 1:0. Тошкентда Виктор Карпенко, Сато Минори, Воҳид Шодиев (2та) ва Достонбек Ҳамдамовнинг голлари “Бунёдкор”нинг йирик ғалабасини таъминлаганди – 5:0.

"Қўқон-1912" бу мавсумда ҳозирча 2та ғалаба ва 5та мағлубият қайд этди. Водий клуби 3та тўп киритиб 12та гол ўтказиб юборди.

"Бунёдкор" дастлабки 7та турда олти марта ғалабага эришди ва бир бор дуранг қайд этди. Жамоа 15та гол уриб 2та гол ўтказиб юборди.