Превью. "Қўқон-1912" - "Бунёдкор"

«Қўқон-1912» (Қўқон) – «Бунёдкор»  (Тошкент)
1 июль 2015. Қўқон. “Марказий” стадиони. 18:00
Ҳакамлар: З. Қодиров (Навоий), Р. Самандаров (Навоий), О. Жумаев (Навоий), Д. Каримов (Тошкент)
Назоратчи: С. Нажафалиев (Тошкент).

“Қўқон-1912” ва “Бунёдкор” клублари ҳозирга қадар олий лигада умуман тўқнаш келишмаган. Сабаби Водий клуби олий лигада сўнгги бор 2003 йил ўйнаган. “Бунёдкор” эса 2007 йилдан бошлаб элитада иштирок этиб келмоқда.

“Бунёдкор” 13та ўйиндан сўнг (“Шўртан” билан баҳс қолдирилган) 8та учрашувда ғолиб бўлди. Битта учрашув дуранг қайд этди. 4 учрашувда рақиблар зафар қучишди. 25 очко билан мусобақа жадвалининг 5-поғонасида бормоқда. “Қалдирғочлар” сафардаги 6та ўйиннинг 3тасида ғалаба қозонишди ва 3 марта мағлуб бўлишди.

“Қўқон-1912” 14та турдан сўнг 10 билан мусобақа жадвалининг 13-поғонасида бормоқда. Жамоа 3та учрашувда зафар қучди, бир марта дуранг ўйнади ва 8 бор ютқазиб қўйди. Қўқонликлар ўз майдонларидаги 5та ўйиннинг 2тасида ютди, 2тасида ютқазди. Бир марта дуранг ўйнади.