Превью. "Қизилқум" - "Машъал"

«ҚИЗИЛҚУМ» - «МАШЪАЛ»
12 апрель. Навоий. “Сўғдиёна” стадиони 17:00.
Ҳакамлар: О.Толибжонов, Т.Галеев, С.Шоюсупов, И.Ибрагимов
Назоратчи: С.Эрматов.

Бу икки клуб олий лигада 22 бора тўқнаш келишган. Натижалар мутлақо тенг. Ушбу ўйинлардан 6 тасида “Машъал” ғолиб бўлган. 10 ўйин дуранг ҳисобида якунланган. Яна 6 учрашувда “Қизилқум” ғолиб бўлган.

“Машъал” шу кунгача ўзаро ўйинларда “Қизилқум” дарвозасига 30та гол киритган “Қизилқум” эса 28 бора “Машъал” посбонини ранжитган. “Машъал” ҳам, “Қизилқум” ҳам 28тадан очкони қўлга киритишган. “Машъал”нинг олий лигада “Қизилқум” устидан эришган энг йирик ғалабаси 6:1 ни ташкил қилади. Зарафшонликнинг энг йирик ғалабаси эса – 6:3 бўлиб турибди.

2013 йил “Машъал” олий лигада қатнашмади. 2012 йилда бўлиб ўтган биринчи баҳс Муборакда бўлиб ўтган. Ўша баҳсда Шерали Жўраев ва Феруз Бобоқулов гол урган – 0:2. “Қизилқум” майдонидаги баҳсда дуранг қайд этилган. Ғулом Ўрунов мезбонлар таркибида, Габит Сапаргалиев муборакликлар таркибида тўп киритган – 1:1.  

“Қизилқум” майдонида ўтган сўнгги беш учрашув:
17.08.2012  «Қизилқум» – «Машъал»  1:1
01.10.2011  «Қизилқум» – «Машъал»  0:1
14.08.2010  «Қизилқум» – «Машъал»  1:1
23.03.2009  «Қизилқум» – «Машъал»  1:1
01.03.2008  «Қизилқум» – «Машъал»  0:0

Ўзаро ўйинлар ҳақида факт : Бу жамоаларнинг Зарафшонда бўлиб ўтган 11 та учрашувида 8таси дуранг билан тугаган. Шундан 6тасида 1:1 ҳисоби қайд этилган. Зарафшондаги ўйинларда умуман 2 тадан ортиқ тўп киритилмаган.