Превью. "Пахтакор" - "Динамо"

Ушбу ўйин терма жамоа сафида "Пахтакор"нинг 7 нафар футболчиси Осиё ўйинларида қатнашгани сабабли қолдирилганди.

Самарқандликлар иккинчи даврани анча яхши ўтказишмоқда. Тачмурод Агамуродов бошқарувни қўлга олгач, "Динамо" ўтказилган 5 учрашувнинг 4тасида ғалаба қозонди. Натижада жамоа аутсайдерлар қаторидан 8-поғонага кўтарилишга эришди. Тажрибали мутахассис "Динамо"да ижобий ўзгаришларни юзага келтирди.

Олий лигада жамоалар 41 бор тўқнаш келган. Уларнинг 32тасида "Пахтакор", 5тасида самарқандликлар зафар қучган. 4 баҳс дуранг билан якунланган. Жамоамиз 82 марта, "Динамо" эса 22 бор тўп киритган. Тошкентдаги 20 ўйиннинг 19тасида "Пахтакор" ютган бўлса, фақат бир бор, 2000 йил рақиб уйига 2:1 ҳисобидаги ғалаба билан қайтган. Пойтахтдаги охирги 13 учрашувда рақиб атиги бир гол урган.

Ёшлар таркиблари беллашуви 10 октябрь, жума куни Қибрайдаги стадионда соат 15:00да бошланади. Асосий жамоалар учрашуви 11 октябрь, шанба куни "Пахтакор" стадионида 17:00да бошланади.


«ПАХТАКОР» - «ДИНАМО»

Ҳакамлар: Шерзод Қосимов (Тошкент), Темур Галеев (Урганч), Акбар Пўлатов (Тошкент), Игорь Худойдотов (Тошкент).

Назоратчи: Арслон Ҳотамов (Тошкент).