Превью. "Олмалиқ" - "Қўқон-1912"

«Олмалиқ» (Олмалиқ) – «Қўқон-1912» (Қўқон)
18 апрель 2015. Олмалиқ. “ОКМК” стадиони. 18:00
Ҳакамлар: З. Қодиров (Навоий), Р. Серазетдинов (Тошкент), С. Шоюсупов (Тошкент), Ф. Норсафаров (Қарши)
Назоратчи: А. Арутюнов (Тошкент).
УзПФЛ вакили: Н. Лутфулин.

“Олмалиқ ” ва “Қўқон-1912” клублари шу кунга қадар олий лигада умуман тўқнаш келишмаган. “Қўқон-1912” жамоаси сўнгги бор 2003 йил элитада иштирок этган. “Олмалиқ” клуби эса 2008 йилдан буён олий лигада ўйнаб келмоқда.

Игорь Шквирин бошчилигидаги жамоа бу мавсумни сафарда “Пахтакор”га қарши баҳс билан бошлади – 1:1. Иккинчи турда ўз майдонида “Насаф” клуби таслим этилди – 2:0. Сўнгра “Андижон” Олмалиқда мағлуб этилди – 3:2. Ниҳоят 4-турда жамоа Муборакда “Машъал”га қарши ўйин ўтказиб 1:3 ҳисобида имкониятни бой бериб қўйди.

“Қўқон-1912” жамоаси илк турни Самарқандда “Динамо”га қарши ўтказиб 1:0 ҳисобида зафар қучди. Иккинчи турдан ўрин олган “Пахтакор”га қарши баҳс номаълум муддатга қолдирилди. Учинчи турда қўқонликлар Қаршида “Насаф”га ютқазиб қўйишди – 0:3. Охирги турда Рустам Абдуллаев жамоаси Қўқонда “Андижон” билан нурсиз дуранг қайд этди – 0:0.