Превью. "Олмалиқ" - "Пахтакор"

«Олмалиқ» (Олмалиқ) – «Пахтакор» (Тошкент)
2 август 2015 йил. Олмалиқ. "ОКМК" стадиони. 19:30
Ҳакамлар: В. Агишев (Тошкент), М. Саидқосимов (Тошкент), О. Абдувасилов (Тошкент), О. Туйчибоев (Тошкент)
Назоратчи: А. Арутюнов (Тошкент).

“Пахтакор” ва “Олмалиқ” олий лигада 15 бора тўқнаш келишган. Натижалар “шерлар”нинг устунлигини кўрсатмоқда.

“Пахтакор” ушбу рақибни 10 марта мағлуб этган. 2та ўйинда дуранг натижаси қайд этилган. “Олмалиқ” ҳозиргача “шерлар”ни фақат 3 марта мағлуб эта олган. “Пахтакор” ўзаро ўйинларда 23та гол урган, “Олмалиқ” футболчилари 8 марта тошкентликлар дарвозасини ишғол этишган. “Пахтакор” ўзаро ўйинларда 32 очкога эга бўлган, “Олмалиқ” ҳисобида 11 очко бор. “Пахтакор”нинг ўзаро ўйинларда энг йирик ғалабаси 4:1га тенг. “Олмалиқ”нинг энг йирик ғалабаси – 2:1.

Биринчи турда Тошкентда ташкил этилган учрашувда Зоҳир Пиримов ҳисобни очганди. Игорь Сергеевнинг голи ҳисобни тенглаштирганди – 1:1.

Олмалиқда ўтган барча учрашувлар:
07.09.2014 «Олмалиқ» - «Пахтакор» 0:3
21.06.2013 «Олмалиқ» - «Пахтакор» 1:0
17.11.2012 «Олмалиқ» - «Пахтакор» 0:3
10.03.2011 «Олмалиқ» - «Пахтакор» 0:1
18.04.2010 «Олмалиқ» - «Пахтакор» 2:3
15.08.2009 «Олмалиқ» - «Пахтакор» 1:0
14.09.2008 «Олмалиқ» - «Пахтакор» 0:1

Ўзаро ўйинлар ҳақида факт: Олмалиқда бўлиб ўтган 7та ўйинда “Олмалиқ” икки бор ғалаба қозона олган. Бешта ўйинда эса “шерлар” ғалаба қозонишган. Олмалиқдаги баҳсларда бу жамоалар умуман дуранг ўйнашмаган.