Превью. "Олмалиқ" - "Насаф"

«Олмалиқ» (Олмалиқ) – «Насаф» (Қарши)
22 июнь. Олмалиқ. “ОКМК” стадиони. 19:00
Ҳакамлар: И. Танташев (Бухоро), Б. Қодиров (Бухоро), А. Қўлдошев (Бухоро), И. Гармашов (Тошкент)
Назоратчи: Р. Айтеков (Тошкент).

“Олмалиқ” ва “Насаф” олий лигада жами 12 бора тўқнаш келишган. Натижалар “Насаф”нинг устунлигини кўрсатмоқда. Қаршиликлар 7та ўйинда ғолиб бўлишган. 5та ўйинда дуранг қайд этилган. “Олмалиқ” шу кунгача “Насаф”ни мағлуб эта олмаган. Тўплар нисбатида ҳам “Насаф” олдинда - 21:9. Ўзаро ўйинларда “аждарлар” 26 очкони, “Олмалиқ” эса 5 очкони  қўлга киритган.

“Насаф”нинг ўзаро ўйинларда қозонган энг йирик ғалабаси – 4:0 га тенг. “Олмалиқ”да ғалаба йўқлиги ҳақида айтиб ўтдик.

Ўтган йил ҳар иккала баҳсда 2:2 ҳисоби қайд этилганди. Биринчи турда Қаршида бўлиб ўтган ўйинда дастлаб олмалиқликлар Зафар Полвонов ва Шахбоз Эркиновнинг голлари эвазига олдинга чиқиб олишган, учрашув сўнггида Илҳом Шомуродов ва Ботир Қораевнинг киритган тўплари “аждарлар”ни мағлубиятдан қутқариб қолганди – 2:2. Сўнгги турда Олмалиқдаги учрашувда Зафар Полвонов ва Артур Геворкян икки мартадан тўп киритишган – 2:2.

Олмалиқда бўлиб ўтган сўнгги беш учрашув:
08.11.2013 «Олмалиқ» - «Насаф» 2:2
03.08.2012 «Олмалиқ» - «Насаф» 0:1
22.10.2011 «Олмалиқ» - «Насаф» 0:0
16.05.2010 «Олмалиқ» - «Насаф» 0:0
29.06.2009 «Олмалиқ» - «Насаф» 0:2

Ўзаро ўйинлар ҳақида факт: Олмалиқда бўлиб ўтган олти ўйиндан тўрттасида дуранг қайд этилган. Икки учрашувда “Насаф” ғалаба қозонган.