Превью. "Олмалиқ" – "Металлург"

Натижалар “Олмалиқ”нинг устунлигини кўрсатмоқда. Олмалиқликлар 14 баҳснинг 7тасида ғалаба қозонишган. 6 учрашувда “Металлург”нинг қўли баланд келган. Битта ўйинда эса дуранг қайд этилган. Тўплар нисбати ҳам табиийки “Олмалиқ” фойдасига 30-27. Ўзаро ўинларда “Олмалиқ” 22 очони қўлга киритган бўлса, “Металлург” 19 очкога эга бўлган.

“Олмалиқ”нинг “Металлург” устидан қозонган энг йирик ғалабаси – 4:1. “Металлург”нинг “Олмалиқ” устидан қозонган энг йирик ғалабаси эса – 4:3 ни ташкил этади.

Ўтган йил қайси жамоа ўз уйида ўйнаган бўлса ўша жамоа 3:2 ҳисобида зафар қучган. Олмалиқда мезбонлар сафида Дилявер Абибуллаев, Шерзод Ҳакимов, Диёр Туропов, меҳмонлар таркибида Шаҳзодбек Нурматов ва Суннатилла Мамадалиев гол урганди – 3:2. Бекободда Шухрат Юлдашев, Александр Ковалев, Зоҳид Абдуллаевнинг голларига Зафар Полвонов ва Обид Жўрабоев жавоб берганди – 3:2.

Олмалиқда ўтган барча учрашувлар:
30.05.2014 «Олмалиқ» - «Металлург» 3:2
25.08.2013 «Олмалиқ» - «Металлург» 2:1
20.05.2012 «Олмалиқ» - «Металлург» 3:2
12.05.2011 «Олмалиқ» - «Металлург» 4:1
25.09.2010 «Олмалиқ» - «Металлург» 3:2
07.03.2009 «Олмалиқ» - «Металлург» 2:1
29.03.2008 «Олмалиқ» - «Металлург» 1:0

Ўзаро ўйинлар ҳақида факт: “Олмалиқ” ўз уйида бу рақибга қарши бўлиб ўтган ўйинларда фақат ғалаба қозонган. Етти ўйиннинг фақат биттасига йирик ҳисоб қайд этилган. “Металлург” сафарда бу жамоа дарвозасига фақат битта учрашувда гол ура олмаган.

Нарзулла Сайдуллаев тайёрлади