Превью. "Нефтчи" - "Металлург"

«Нефтчи» (Фарғона) – «Металлург» (Бекобод)
1 июль 2016. Фарғона. "Истиқлол" стадиони. 19:00
Ҳакамлар: В. Цейтлин (Тошкент), А. Калинин (Қарши), С. Шоюсупов (Тошкент), А. Рубаков (Тошкент)
Назоратчи: А. Попов (Тошкент).

“Нефтчи” ва “Металлург” олий лигада 36 бора тўқнаш келишган. Натижалар водий жамоасининг каттагина устунлигини кўрсатмоқда.

“Нефтчи” 36та ўйиндан 22тасини ютган. 8та баҳсда дуранг қайд этилган. “Металлург” бу рақибни 6 марта мағлуб этган. “Нефтчи” ўзаро ўйинларда 71та гол киритган, бекободликлар 35 бора фарғоналиклар дарвозасини ишғол этишган. “Нефтчи” ўзаро ўйинларда 74 очкони ўз ҳисобига ёзиб қўйган бўлса, “Металлург”да бу кўрсаткич 26ни ташкил этади. Водий клубининг ўзаро ўйинлардаги энг йирик ғалабаси 7:1га тенг бўлса, “Металлург”да бу кўрсаткич 3:1га тенг.

Бир йил олдин биринчи даврада Бекободда ташкил этилган ўйинда битта гол урилганди. Биринчи бўлим ўрталарида Аббосбек Махсталиевнинг голи “Нефтчи”га сафарда ғалаба келтирганди – 0:1. Учрашувни “Нефтчи” 10 киши бўлиб тугатганди, ўшанда Шерзод Ҳакимов 50-дақиқада қизил карточка олганди. Фарғонада ҳам “Нефтчи” ғолиб бўлган. Дастлаб бекободликлар вакили Саиджон Абдужабборов ҳисобни очган. Бунга Сардор Раҳмонов ва Шерзод Ҳакимов жавоб беришган – 2:1.

Фарғонада бўлиб ўтган сўнгги беш учрашув:
22.08.2015 «Нефтчи» - «Металлург» 2:1
20.09.2014 «Нефтчи» - «Металлург» 2:1
09.03.2013 «Нефтчи» - «Металлург» 0:1
09.08.2012 «Нефтчи» - «Металлург» 4:0
12.03.2011 «Нефтчи» - «Металлург» 3:1

Ўзаро ўйинлар ҳақида факт: “Нефтчи” мезбонлик қилган ўйинларда “Металлург” фақат бир бор (2013 йил) ғалабага эришган. Битта баҳсда дуранг қайд этилган. Фарғона клуби ўз уйида 16 марта зафар қучган.