ПРЕВЬЮ. "Нефтчи" - "Андижон"

«Нефтчи» – «Андижон»
7 ноябрь 2014. Қўқон. "Марказий" стадиони. 14:00
Ҳакамлар: Р.Бобомуродов, О.Абдувасилов, Н.Рўзимов, А.Рубаков.
Назоратчи: И.Мустафин.

“Нефтчи” ва “Андижон” олий лигада 41 бор куч синашишган. Катта устунлик “Нефтчи” томонида. 30та ўйинда “Нефтчи” рақибни мағлуб этган. Олти ўйинда “бургутлар”нинг қўли баланд келган. Яна беш учрашувда дуранг натижа қайд этилган. “Нефтчи” ўзаро ўйинларда 85 бор рақиб дарвозасига йўл топа олган. “Андижон” эса 35 марта гол ура олган. “Нефтчи” ўзаро ўйинларда 95 очкони қўлга киритган бўлса, андижонликлар ҳисобида 23 очко мавжуд. “Нефтчи”нинг “Андижон” устидан қозонган энг йирик ғалабаси – 7:1. “Бургутлар”нинг энг йирик ғалабаси эса - 2:0.

Дастлабки даврада Андижонда ташкил этилган учрашувда меҳмонлар ғалаба қозонишган. Дастлаб “бургутлар” вакили Баҳром Абдураҳимов ҳисобни очганди. Иккинчи бўлимда Мурод Бобожонов дублга эришган, Александру Оника эса битта гол муаллифига айланганди – 1:3.

Фарғонада ўтган сўнгги беш учрашув:
27.09.2012 «Нефтчи» - «Андижон» 2:0
29.05.2011 «Нефтчи» - «Андижон» 3:0
01.08.2010 «Нефтчи» - «Андижон» 1:1
10.05.2009 «Нефтчи» - «Андижон» 2:0
20.09.2008 «Нефтчи» - «Андижон» 2:1

Ўзаро ўйинлар ҳақида факт:  “Нефтчи” ўз майдонида бўлиб ўтган 20та учрашувдан 19тасида “Андижон”ни мағлуб этган. “Бургутлар” Фарғонадан фақат бир бор (2010 йил) дуранг билан қайта олишган.