Превью. "Нефтчи" - "Андижон"

«Нефтчи» (Фарғона) – «Андижон» (Андижон)
21 октябрь 2015. Фарғона. “Истиқлол” стадиони. 17:00
Ҳакамлар: В. Серазетдинов (Тошкент), А. Снетков (Тошкент.вил), А. Усмонов (Тошкент), А. Нажафалиев (Тошкент)
Назоратчи: А. Абдуллаев (Тошкент).

“Нефтчи” ва “Андижон” олий лигада 43 бор куч синашишган. Катта устунлик “Нефтчи” томонида. 32та ўйинда “Нефтчи” рақибни мағлуб этган. Олти ўйинда “бургутлар”нинг қўли баланд келган. Яна беш учрашувда дуранг натижа қайд этилган. “Нефтчи” ўзаро ўйинларда 90 бор рақиб дарвозасига йўл топа олган. “Андижон” эса 36 марта гол ура олган. “Нефтчи” ўзаро ўйинларда 101 очкони қўлга киритган бўлса, андижонликлар ҳисобида 23 очко мавжуд. “Нефтчи”нинг “Андижон” устидан қозонган энг йирик ғалабаси – 7:1. “Бургутлар”нинг энг йирик ғалабаси эса - 2:0.

Дастлабки даврада Андижонда ўтган учрашувда меҳмонлар йирик ғалабани тантана қилишган. Сардор Раҳмонов, Шерзод Ҳакимов, Акмал Холматов ва Мурод Бобожонов томонидан урилган голлар "Нефтчи"га ғалаба келтирган - 0:4.

Фарғонада ўтган сўнгги беш учрашув:
07.11.2014 «Нефтчи» - «Андижон» 1:0
27.09.2012 «Нефтчи» - «Андижон» 2:0
29.05.2011 «Нефтчи» - «Андижон» 3:0
01.08.2010 «Нефтчи» - «Андижон» 1:1
10.05.2009 «Нефтчи» - «Андижон» 2:0

Ўзаро ўйинлар ҳақида факт:  “Нефтчи” ўз майдонида "Андижон"ни 20 марта мағлуб этган. “Андижон” Фарғонада умуман ғалабага эриша олмаган. Фақат бир марта (2010 йил) "бургутлар" сафардан дуранг билан қайтишган. Сўнгги уч ўйинда "Андижон" "Нефтчи" майдонида умуман гол ура олмаган.