Превью. "Насаф" - "Қизилқум"

«Насаф» (Қарши) – «Қизилқум» (Навоий)
8 май 2016. Қарши. "Марказий" стадиони. 18:45
Ҳакамлар: В. Агишев (Тошкент), В. Лушин (Гулистон), А. Буров (Бухоро), Ш. Ражабов (Бухоро)
Назоратчи: И. Нехочин (Наманган).

“Насаф” ҳамда “Қизилқум” клублари олий лигада шу кунгача 32 бор куч синашишган. “Аждарлар” 20та ўйинда ғалаба қозонишган. 6та учрашувда “Қизилқум”нинг қўли баланд келган. Бу жамоалар ўртасидаги ўйинларда 6 марта дуранг қайд этилган. Тўплар нисбатида устунлик “Насаф” томонида: 60:34. “Аждарлар” ўзаро ўйинларда 66 очкога эга бўлишган, “Қизилқум” эса 24 очкони қўлга киритган. “Насаф”нинг “Қизилқум” устидан қозонган энг йирик ғалабаси 7:1га тенг бўлса, “Қизилқум”нинг қаршиликлар устидан эришган энг йирик ғалабаси – 3:1.

Бир йил олдин Қаршида мезбонлар 3:1 ҳисобида зафар қучишган. Артур Геворкян ва Шоҳруҳ Гадоев (2та) томонидан урилган голларга навоийликлар тўпурари Баҳриддин Ваҳобов жавоб берганди – 3:1. Навоийда ҳам “Насаф” 3 очкога эга чиққанди. Азамат Алланиёзов ва Артур Геворкян меҳмонлар сафида, Алишер Холиқов мезбонлар таркибида гол уришганди – 1:2.

Қаршида бўлиб ўтган сўнгги беш учрашув:
16.04.2015 «Насаф» - «Қизилқум» 3:1
25.10.2014 «Насаф» - «Қизилқум» 2:0
29.06.2013 «Насаф» - «Қизилқум» 7:1
07.05.2012 «Насаф» - «Қизилқум» 2:0
01.11.2011 «Насаф» - «Қизилқум» 2:1

Ўзаро ўйинлар ҳақида факт: Бу жамоалар ўртасидаги “Насаф” уйида кечган баҳсларда мезбонлар 13 марта ғалаба қозонишган. Икки ўйинда дуранг қайд этилган. “Қизилқум” эса сафардан фақат бир марта (2008 йил) бор уч очко билан қайтган. Охирги 7та ўйинда “Насаф” ўз майдонида бу рақибни фақат мағлуб этган.