Превью. "Насаф" - "Андижон"

«НАСАФ» – «АНДИЖОН»
12 март 2015. Қарши. "Марказий" стадион. 18:00
Ҳакамлар: М.Муҳамедов, А.Цапенко, Р.Серазетдинов, И.Ибрагимов.
Назоратчи: С.Нажафалиев.

“Насаф” ва “Андижон” олий лигада жами 32 бора тўқнаш келган. Натижалар “Насаф”нинг устунлигини кўрсатмоқда.  Шу кунга қадар “аждарлар” 20та ўйинда ғалаба қозонишган. Етти ўйин дуранг билан якунланган. “Андижон” бугунга қадар “Насаф” 5 марта мағлубиятга учратган. “Насаф” 77та гол киритган, “Андижон” эса қаршиликлар дарвозасини 42 бора аниқ нишонга олган. “Насаф” ўзаро ўйинларда 67 очко ишлаб олган бўлса, “бургутлар”да ушбу кўрсаткич 22 тага тенг.

“Насаф” ўзаро ўйинларда “Андижон" устидан қозонган энг йирик ғалабаси - 8:1 га тенг бўлса, “Андижон”да бу кўрсаткич – 6:0 бўлиб турибди.

2014 йил биринчи даврада водийда бўлиб ўтган ўйинда “Насаф” ғалабага эришган. Баҳсдаги ягона голни Фарруҳ Сайфиев “бургутлар” дарвозасига урганди – 0:1. Қаршидаги баҳсда эса Артур Геворкян дублга эришган, Шуҳрат Муҳаммадиев битта гол уриб “бургутлар”нинг йирик мағлубиятини таъминлаган эди – 3:0.

Қаршида ўтган сўнгги беш учрашув:
01.10.2014 «Насаф» - «Андижон» 3:0
22.04.2012 «Насаф» - «Андижон» 4:0
06.03.2011 «Насаф» - «Андижон» 2:0
06.05.2010 «Насаф» - «Андижон» 3:1
23.03.2009 «Насаф» - «Андижон» 4:2

Ўзаро ўйинлар ҳақида факт: “Насаф” ўз уйида 14 бор ғалаба қозонган, “бургутлар” Қаршидан фақат бир марта (1999 йил) ғалаба билан қайтган. 2007 йилдаги баҳсда эса “Андижон” сафарда дуранг ўйнаган. Охирги олти уй ўйинида “Насаф” олти бор зафар қучган.