ПРЕВЬЮ. «МЕТАЛЛУРГ» – «ОЛМАЛИҚ»

«Металлург» (Бекобод) – «Олмалиқ» (Олмалиқ)
3 август. Бекобод. “Металлург” стадиони. 17:30.
Ҳакамлар: А. Асимов (Тошкент), Р. Ғопуров (Наманган), Р. Фозилов (Наманган), Р. Толибжонов (Фарғона).
Назоратчи: Ғ. Каримов (Тошкент).

Бу жамоалар шу кунга қадар ўзаро 13 марта куч синашишган. Натижалар “Олмалиқ”нинг устунлигини кўрсатмоқда. Олмалиқликлар 12 баҳснинг 7тасида ғалаба қозонишган. 5 учрашувда “Металлург”нинг қўли баланд келган. Битта ўйинда эса дуранг қайд этилган. Тўплар нисбати ҳам табиийки “Олмалиқ” фойдасига 28-24. Ўзаро ўинларда “Олмалиқ” 22 очони қўлга киритган бўлса, “Металлург” 16 очкога эга бўлган.

“Олмалиқ”нинг “Металлург” устидан қозонган энг йирик ғалабаси – 4:1. “Металлург”нинг “Олмалиқ” устидан қозонган энг йирик ғалабаси эса – 4:3 ни ташкил этади.

Биринчи турда Олмалиқ шаҳридаги янги стадионда кечган ўйинда мезбонлар 3:2 ҳисобида зафар қучишган. “Металлург” таркибида Шаҳзодбек Нурматов ва Суннатилла Мамадалиев томонидан урилган голларга майдон эгалари сафида Дилявер Абибуллаев, Шерзод Ҳакимов ва Диёр Туропов жавоб беришган.  

Бекободда ўтган барча учрашувлар:
31.05.2013 «Металлург» - «Олмалиқ» 2:1
04.09.2012 «Металлург» - «Олмалиқ» 4:3
09.09.2011 «Металлург» - «Олмалиқ» 4:3
24.04.2010 «Металлург» - «Олмалиқ» 1:0
05.11.2009 «Металлург» - «Олмалиқ» 3:2
13.11.2008 «Металлург» - «Олмалиқ» 1:1

Ўзаро ўйинлар ҳақида факт: “Металлург” ўз уйида бу рақибга қарши бўлиб ўтган ўйинларда умуман мағлуб бўлмаган. Олтита ўйиннинг фақат биттасига “Олмалиқ” сафардан бир очко билан қайта олган. Эътиборлиси “Металлург”нинг барча ғалабаси фақат битта тўп фарқи билан бўлган.