Превью. "Металлург" - "Бухоро"

«Металлург» (Бекобод) – «Бухоро» (Бухоро)
30 октябрь 2015. Бекобод. "Металлург" стадиони. 15:00
Ҳакамлар: Б. Намозов (Тошкент), М. Саидқосимов (Тошкент), Р. Серазетдинов (Тошкент), И. Гармашов (Тошкент)
Назоратчи: С. Нажафалиев (Тошкент).

“Металлург” ҳамда “Бухоро” клублари олий лигада шу кунгача 33 бор куч синашишган. “Металлург” 17та ўйинда ғалаба қозонган. 13та учрашувда “Бухоро”нинг қўли баланд келган. Бу жамоалар ўртасидаги ўйинларда 3 марта дуранг қайд этилган. Тўплар нисбатида устунлик “Металлург”да: 48:46. “Металлург” ўзаро ўйинларда 54 очкога эга бўлган, “Бухоро” эса 42 очкони қўлга киритган. “Металлург”нинг “Бухоро” устидан қозонган энг йирик ғалабаси 3:0га тенг бўлса, “Бухоро”нинг бекободликлар устидан эришган энг йирик ғалабаси – 4:0.

Биринчи даврада Бухорода ташкил этилган баҳсда меҳмонлар йирик ҳисобда зафар қучишган. Саиджон Абдужабборов, Аюбхон Нўъмонов ва Шаҳзодбек Нурматов томонидан урилган голлар “Металлург”га ғалаба келтирган – 3:0.

Бекободда ўтган сўнгги беш учрашув:
22.08.2014 «Металлург» - «Бухоро» 4:3
29.06.2013 «Металлург» - «Бухоро» 2:1
13.05.2012 «Металлург» - «Бухоро» 2:0
05.08.2011 «Металлург» - «Бухоро» 3:2
25.10.2009 «Металлург» - «Бухоро» 2:1

Ўзаро ўйинлар ҳақида факт: Бу жамоалар ўртасидаги Бекободда бўлиб ўтган 16та учрашувнинг 15тасида “Металлург” ғалаба қозонган. “Бухоро” ўз тарихида умуман “Металлург”ни сафарда мағлуб эта олмаган, фақат бир бор (1998 йил) Бекободдан дуранг билан қайтган. “Бухоро” сафардаги охирги 15та ўйиннинг барчасида бу жамоага ютқазган.