Превью. "Металлург" – "Бунёдкор"
13 oct 2017 10:01
News
![](https://championat.asia/upload/storage/282591_original.jpg)
![](/upload/storage/282591_220.jpg)
Превью. "Металлург" – "Бунёдкор"
Мазкур жамоалар шу кунга қадар ўзаро 21 маротаба куч синашишган. Натижаларда табиийки юртимизнинг номдор клубларидан саналувчи “Бунёдкор”нинг устунлигини кўрамиз. Тошкентликлар 17 та ўйинда ғалаба қозонишган. Иккита ўйинда “Металлург”нинг қўли баланд келган. Яна иккита учрашувда эса кучлар тенг келган. Тўплар нисбатидаги фарқ: 45-18.
Бу йилги чемпионатнинг биринчи даврасида Тошкентда кечган ўйинда 1:1 ҳисобидаги дуранг натижа қайд этилганди. Эътиборга молик жиҳати, мазкур ўйинда ҳар иккала жамоа ғалаба қозониши мумкин эди. Учрашувнинг 10-дақиқасида бекободлик Достонбек Ҳамдамов бунёдкорчиларни ҳисобда олдинга олиб чиққан бўлса, 51-дақиқада Алишер Зиёвуддинов ҳисобни тенглаштирди. Шундан сўнг ҳар иккала жамоа ўйинчилар 11 мертлик белгидан жарима зарбаларидан фойдалана олишмади. 64-дақиқада Мирғиёс Сулаймоновнинг зарбасини Муроджон Зуҳуров тўсган бўлса, 78-дақиқада “Металлург” дарвозабони Зафар Сафаев ўзини кўрсатди. У биринчи гол муаллифи Достонбек Ҳамдамовга иккинчи марта муваффақият қозониш имкониятини бермади.
Бекободда ўтган барча учрашувлар:
16.06.2016 «Металлург» - «Бунёдкор» 1:1
26.04.2015 «Металлург» - «Бунёдкор» 1:2
01.10.2014 «Металлург» - «Бунёдкор» 1:2
17.08.2013 «Металлург» - «Бунёдкор» 2:3
27.09.2012 «Металлург» - «Бунёдкор» 1:3
23.10.2011 «Металлург» - «Бунёдкор» 2:1
19.03.2010 «Металлург» - «Бунёдкор» 0:1
25.06.2009 «Металлург» - «Бунёдкор» 0:4
17.08.2008 «Металлург» - «Бунёдкор» 1:2
01.04.2007 «Металлург» - «Бунёдкор» 0:1
Бекободдаги ўзаро ўйинлар ҳақида факт : “Металлург” ўз майдонида фақат бир бор “Бунёдкор”дан устун келган. Яна битта учрашувда очколарни баҳам кўрган. Бу ўтган йилги мавсумда кузатилганди. Қолган ўйинларда эса “Бунёдкор” Бекободдан уч очко билан қайтган.
Similar news
![AMP Logo](https://championat.asia/image/logo-amp.png)
Comments